Säämi |

Sämifestivaaleh vai Suomâfestivaaleh? – nubbe lijkkoo jotteeđ sämifestivaalijn já nubbe stuárráb festivaalijn pirrâ Suomâ

Puoh nuorâid iä kiäsut uccâ sämifestivaaleh, ko motomeh nuorah mielâsubboht vyelgih stuorrâ kaavpug festivaalijd.

Henna Lehtola
Henna Lehtola jotá Säämi festivaalijn. Govva: Gabriela Satokangas / Yle Sápmi

Sandra SalminenHenna Lehtola lává kuohtuuh festivaaljotteeh, mutâ nubbe lijkkoo eenâb jotteeđ stuorrâ festivaalijn pirrâ Suomâ já nubbe ucceeb sämifestivaalijn. Henna Lehtola lijkkoo jotteeđ sämifestivaalijn, mutâ mii lii tot suijâ mondiet toh kiäsutteh suu?

– Sämifestivaaláin uáiná uápisulmuid já uđđâ ulmuid já uápásmuvá uđđâ ulmuiguin tot lii tot tehálumos suijâ uáli ennuv tobbeen láá tyejimarkkâneh, te meiddei tondiet.Kale toh sämifestivaaleh kiäsutteh eenâb ko toh láá ucce festivaaleh tobbeen lii taggaar meeinig ete tobbeen uápásmuvá ulmuid eenâb. Jiem peerust nuuvt ennuv qstockkist já provinssirockist, muštâl Lehtola.

Ohtâ tábáhtus lii kuittâg taggaar kuus sun jyehi ihe vuálgá.

– Juhâmohe markkâneh láá suottâsumos markkâneh muu mielâst. Tohon kalga ain peessâđ jyehi ihe, muštâl Lehtola.

Kuldâl maid Henna Lehtola muštâl festivaalijn.

Cheek festivaalit Blockfest
Sandra Salminen ááigu vyelgiđ Simerockkin já Blockfestin. Govva: Jani Aarnio / Yle

Sandra Salminen lijkkoo jotteeđ pirrâ Suomâ stuárráb festivaalijn. Sun lii kuittâg iälám Ijâttes Ijjâ- festivaalist, mii lii-uv Suomâ stuárráámus sämifestivaal, mutâ eenâb suu kiäsutteh stuárráb festivaaleh.

– Kal mun lam iälám Ijâttes Ijjâst, mutâ jiem laavii nuuvt távjá ko tobbeen iä lah čuojâtteijeeh kiäid laaviiččim kuldâliđ. Kale mun mottoom verd kuldâlâm sämimuusik, mutâ jiem nuuvt ennuv ko rap teikkâ syemmilâš muusik.

Mondiet tagareh stuárráb festivaaleh talle kiäsutteh suu?

– Na tot lii vuossâmuš äšši ko toh láá kaavpugist já láá eenâb ulmuuh já ereslágán tobdo, ete ij lah taggaar uccâ kylá. Tobbeen láá pyereh čuojâtteijeeh, muštâl Salminen

Salminen muštâl, ete lii mielâttes pyeri tobdo ko piäsá kuullâđ lyeve alne taid artistijd kiäid lijkkuu ennuv já kiäid lii kuldâlâm ennuv.

Kuldâl maid Sandra Salminen muštâl festivaalijn.

Varrasamosat: Säämi

Váldoođđasat

Varrasamosat

Muualla Yle.fi:ssä