Sápmi |

Sámiráđđi lea juohkán kulturdoarjagiid jahkái 2019 – Geahča buot doarjagiid oažžuid

Sámiráđi kulturlávdegoddi lea juohkán sámi kulturbargui boahtte jahkái golbma bargostipeandda ja 41 prošeaktadoarjaga.

Sara Ajnnak
Musihkar Sara Ajnnak lea okta Sámiráđi kulturstipeandda oažžuin.

Sámiráđi kulturlávdegoddi lea juolludan bargostipeanddaid ja prošeaktadoarjagiid jahkái 2019.

Sámiráđđi juohká jahkásaččat ruhtadoarjagiid sámi kulturdoaimmaide ja lea áidna rájákeahtes ruhtadanvuogádat, gos sámi dáiddárat ja kulturbargit besset ohcat ruhtadoarjagiid miehtá Sámi.

Kulturdoarjagiiguin Sámiráđđi hálida nannet sihke árbevirolaš ja ođđaáigásaš sámi kultuvrra ja dáidaga, ja doarjagiid juolludeamis vuoruhit erenoamážit prošeavttaid, mat dihtomielalaččat barget olles Sámi perspektiivvas. Dát lea dehálaš, oaivvilda Sámiráđi kulturossodaga hoavda Christina Hætta.

– Riikkarájáid geažil leat stuora erohusat vuolggasajiin ja eavttuiguin min kulturbargiid ja dáiddáriid gaskka. Seammás leat earret eará min kultuvrralaš deaivvadanbáikkit, duojit, dáiddalaš barggut ja servodatjienat hui mávssolaččat Sápmái, ja dan dihte leage oktasaš kulturruhtadeapmi min mielas hui dehálaš, Hætta dadjá.

Christina Hætta
Sámiráđi kulturossodaga hoavda Christina Hætta atná Sámiráđi kulturdoarjagiid rájáhisvuođa dehálažžan. Govva: Sámiráđđi

Ruhta reahkkái dušše goalmmátoassái ohcamušain

Sámiráđi kulturdoarjagiid sáhtii ohcat čakčat. Sámiráđđi oaččui ohcanáiggis 67 prošeaktadoarjjaohcamuša ja 16 bargostipeandaohcamuša oktiibuot 600 000 euro (6 000 000 Norgga ruvnnu) ovddas.

Kulturlávdegoddi juolludii doarjagiid 41 prošektii lagabui 130 000 euro (1 200 000 Norgga ruvnnu) ja golbma bargostipeandda badjelaš 60 000 euro (600 000 Norgga ruvnnu) ovddas.

Kulturlávdegotti jođiheaddji Lill Tove Fredriksen mieđiha, ahte ohcamušaid vuoruheapmi lei váttis.

– Ledje dán jagi maid olu buorit ohcamat miehtá Sámis ja vuoruheapmi lea álo váttis. Lei dán jagi maid earenoamáš gealdu oaidnit bohtetgo seamma olu ohcamat go lávejit dál, go leimmet sirdán áigemeari juovlamánus čakčii, muhto eai lean stuora erohusat ohcanlogus.

Kulturlávdegoddi vuoruhii dán jagi bargostipeanddaid juolludemiin áigeguovdilis sámedáiddáriid. Bargostipeanddaid, mat leat dárkkuhuvvon doarjjan dáiddalaš bargguide, ožžo Máret Ánne Sara, Akkil ja Sara Ajnnak. Lill Tove Fredriksen muitala, ahte bargostipeandda ohcciin lei alla dássi.

– Sámiráđi bargostipeanda lea dehálaš doarjja min kulturbargiide, ja sis lei alla dássi. Dán jagi mii leat juolludan bargostipeandda golbma kulturbargái, geat buohkat leat hui áigeguovdilis dáiddárat Sámis, dadjá kulturlávdegotti jođiheaddji Lill Tove Fredriksen.

Lill Tove Fredriksen
Sámiráđi kulturlávdegotti jođiheaddji Lill Tove Fredriksen mieđiha, ahte kulturdoarjagiin mearrideapmi lea váttis. Govva: Linnea Rasmus / Yle

Sámiráđi bargostipeandda ožžot:

Vuostáiváldi

BarguSubmi NOK

Máret Ánne Sara

Power Pile – art jewelry and power garnments, Ilmmiid gaskkás techformance and Pile o´Sápmi documentation and archiving

200 000

Akkil

AKKIL'a áigi, bargat musihkain, ráhkadit musihkkavideoid ja roggat vuorkkáin luđiid

200 000

Sara Ajnnak

Vuosttaldeapmi, passiivvalaš, aktivvalaččat, musihkalaččat

200 000


Sámiráđi prošeaktadoarjaga ožžot:

VuostáiváldiProšeaktaSubmi NOK

Márkomeannu

Márkomeannu 2019

50 000

Aslak Heaika Hætta Bjørn

Ondt Blod, music video

40 000

Dáiddaeahket Tråanddes

Dáiddáeahket / Kunstkveld

30 000

Suoma Sámi Nuorat UNPFII 2019

UNPFII 2019

20 000

Sámi Grand Prix

Sámi Grand Prix 2019

35 000

Kolttakulttuurisäätiö

Tueʹjjeep õõutâst – Skolt saami culture days

30 000

Internášunála Sámi Filbmainstituhtta

The film «Spirited away» dubbed into saami. Spirited away davvisámegillii -filbmaturnea lágideapmi ja márkanastin 2019

25 000

Katarina Barruk

Ubmisámi musihka buvttadeapmi / Umesamisk musikproduktion

30 000

ABC-company

Empowerment-leairrat

25 000

Anthonis Musikk

Akustihkalaš Eahket / Akkustisk kveld

20 000

Anna Lumikivi

Suõmmkarin ja Katja Gauriloffin musiikkivideo / Suõmmkarin og Katja Gauriloffin musikkvideo

30 000

Máilmmi boazoálbmogiid Searvi

Jorgalit ja heivehahttit EALLU-girjji sámegillii / Oversette og tilpasse EALLU-boken til samisk

25 000

Erkki Feodoroff

Gájanas-orchestra debut album

30 000

Stiftelsen Sámi Dáiddaguovddáš

“Girjegumpi”

40 000

Raasten Rastah

Raasten rastah – Saami film festival

25 000

Sámedáidaga doarjjasearvi

SKÁBMAGOVAT EAMIÁLBMOGIID FILBMAFESTIVÁLA / Indigenous peoples filmfestival

45 000

Anára Sámesearvi

“Ijahis Idja”

30 000

Johtti Sápmelaččat

“Márjjabeaivvit”

25 000

Maarit Magga

“Rihppaprošeakta girjin”

30 000

Sámi Lávdi

Saami performing arts intitute – part 1

25 000

Varda HB Bokforlag

“Mannodihpen”

18 000

Rieban HB Haglund

Joik CD with Ingor Nils Bedar Gaup (Nils Peder A. Gaup)

40 000

Toivo West

“Sámi šattut 1”

30 000

Sámi Dáiddačehpiid Searvi

Saami arts festival

25 000

Niilo Einar Marenius Aikio

“Evahkkobáttiid digitaliseren”

70 000

Dáiddadállu

Highlighten saami artists in movie spread through social medias

50 000

Ove Stødle

Gáhttet mearrasámi fanashuksenmáhtu

37 000

Beaskan Luossa Rock

BeaskanLuossaRock 2019

25 000

Inga Elin Marakatt

“Johtti nissoniid eallin”

40 000

Smaga Vladislava

“SAM SIRYA” – Sami toy Project”

10 000

Tatiana Bovarovskaya

"Charr Parrna pal" – "Childhood in the Tundra"

10 000

Nina Afanaseva

Preparation of the publication of the book "Sami tales of the sea"

10 000

Anfisa Ageeva

Festival "Moainas vuntas aln – 2019”

30 000

Andrey Danilov SHDF

Cartoons about the Sami

30 000

Irina Petrovna Pavlenko

Nuortalaš duodjekurssa / skoletsamisk duodji kurs

30 000

Maria Kaneva

Tyvv Workshop

15 000

Natalya Andreeva

Saami cinema

15 000

Elena Kuzmicheva

"Sami piras ajjk"

20 000

Evgenjy Kotlov

“Chudzjok”

15 000

Aleksandr Slupachik

Identification today

10 000

Roman Yakovlev

Recording a music CD in the Ambient genre

20 000

Varrasamosat: Sápmi

Váldoođđasat

Varrasamosat

Muualla Yle.fi:ssä