Sápmi |

Sámis gárrenvuoddjiid mearri lea geahppánan, vaikko olles Lappi eanagottis gárrenvuoddjit leamašan dán rádjai eanet go diibmá

Statistihkkaguovddáža mielde ođđajagimánu ja geassemánu gaskasaš áigge Lappi eanagottis ledje oktiibuot 580 gárrenvuoddji.

Poliisi pitää puhallusratsiaa Helsingissä 10. heinäkuuta 2018.
Davvi-Lappis gárrenvuoddjiid mearri ii leat lassánan. Govva: Emmi Korhonen / Lehtikuva

Alkohola ja narkotihkaid geavahan gárrenvuoddjit leamašan Lappi gávpogiin dán jagi eanet go diibmá dán muttus jagi. Áššis muitala Lapin Kansa -aviisa.

Statistihkkaguovddáža loguid mielde ođđajagimánu ja geassemánu gaskasaš áigge gárrenvuoddjit ledje Lappi eanagottis oktiibuot masá 580. Dat lea sullii 180 eanet go diibmá.

Lappi guovllus olbmot ledje vuodján eanet narkotihkaid váikkuhusas go alkohola váikkuhusas. Sivvan dasa lea Roavvenjárgga, Giema ja Durdnosa narkotihkkaváttisvuođat ja dat, ahte boles lea testen olbmuid loažžat kritearain go ovdal.

Bajitkomisário Rauno Pätsi Lappi bolesis muitala, ahte goittotge Davvi-Lappis gárrenvuoddjiid mearri ii leat lassánan.

Rauno Pätsi
Bajitkomisário Rauno Pätsi muitala, ahte go Davvi-Lappis eai leat leamašan turisttat, de ii leat leamašan seammalágan dárbu gohcit. Dat sáhttá váikkuhit dasa manin leamašan nu unnán gárrenvuoddjit. Govva: Annu Passoja / Yle

– Doppe gárrenvuoddjiid mearri lei joba unnit go ovdal.

Son ii máhte dárkkilit meroštallat sivaid dasa, muhto okta sivva sáhttá leat koronadilli.

– Go eai leat leamašan turisttat, de ii leat leamašan seammalágan dárbu gohcit.

Gárrenvuddjiid mearri sámegielddain ođđajagi-geassemánus20192020
Anár2517
Ohcejohka64
Eanodat74
Soađegilli1414

Statihkaid mielde Ohcejogas ja Eanodagas eai leat leamašan ollenge olbmot, geat livčče vuodján narkotihkaid váikkuhusas. Pätsi muitala, ahte dasage son ii máhte muitalit siva, muhto soaitá leat, ahte dat lea dušše soaittáhat.

– Váttis dadjat, man olu doppe leat loahpa loahpas gohcán. Doppe leat gal leamašan patrullat, mat leat dahkan gohcinmátkkiid.

– Nubbe dáfus sáhtášiigo lohkat, ahte lea leamašan buorre lihkku, go dákkár vuoddjit eai leat leamašan jođus, Pätsi jurddaša.

Varrasamosat: Sápmi

Váldoođđasat

Varrasamosat

Muualla Yle.fi:ssä