Sápmi |

SámiSoster -searvái Eurohpalaš álbmotlahttu -bálkkašupmi

SámiSoster -searvi lea ožžon eurohpalaš álbmotlahttu -bálkkašumi (su. Euroopan kansalaisen palkinto).

SámiSoster ry
Govva: www.samisoster.fi

SámiSoster -searvi lea ožžon Eurohpalaš álbmotlahttu -bálkkašumi (su. Euroopan kansalaisen palkinto).

Searvi lea Suomas áidna bálkkašumi oažžu dán jagi. Olles Eurohpa uniovnnas bálkkašumi ožžot 50 olbmo, searvvi dahje joavkku.

Bálkkašumi ággan leamašan guhkesáigásaš bargu ja mearkkašahtti olahusat. Maiddái doaimmat, main ovddidit ovttasbarggu riikkarájáid rastá ja riikkaidgaskasaš kulturovttasbargu, mii nanne Eurohpa-vuoiŋŋa, muitalit searvvi dieđáhusas.

Dieđáhusa mielde searvvis illudit sakka bálkkašumis ja lohket dat mearkkaša searvái olu. Searvvi doaimmajođiheaddji Ristenrauna Magga illuda eandalitge das, movt Eurohpa uniovnna dásis giddejit fuomášumi sámiide ja sámiid dárbbuide.

SámiSoster -searvái bálkkašumi lea evttohan europarlamentarihkkár Sirpa Pietikäinen (olgešbellodat).

– Olmmošárvu, kultuvrralaš ja gielalaš árvvut, sihke boarrásiid rievttit leat juoidá, mat leat čállojuvvon EU vuođđorivttiide. Min bargun lea sihkkarastit, ahte dáid rivttiid gudnejahttet eandalitge vehádagaid buohta, lea Pietikäinen čállán reivvestis, go evttohii SámiSostera bálkkášupmái.

Eurohpa parlameanta juolluda jahkásaččat “Eurohpa álbmotlahttu bálkkašumi.” Bálkkašupmi lea gudnemedálja- dahje ráktu. Dat lea symbolalaš, iige sisttisdoala earenoamaš vuordámušaid. Almmolaš bálkkašumi juohkindilálašvuohta ordnejuvvo lahttoriikkas.

Eurohpa parlameanttas Brysselis dahje Strasbourgis ordnejuvvo golggotmánus váldodáhpáhus, masa buot bálkkašumiid oažžut čoahkkanit.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä