Sää´mjânnam |

Säʹmmlai tuõttvuõtt da suåvâdvuõttkomissio Lääʹddjânnma?

Sääʹmteʹǧǧ ǩeeʹrjti tuõttvuõtt da suåvâdvuõttkomissio jiijjâs tuåimm prograaʹmme täävtõssân tuåimmpâjja 2016-2019 da tät lij vuõssvuära ko näkam ääss lie peäggtum Lääʹddjânnmest, särnn sääʹmteʹǧǧ saaǥǥjååʹđteei Tiina Sanila-Aikio.

Jietna: Tiina Sanila-Aikio
Jietna

Sääʹmteʹǧǧ halltõs jieʹli teimma vueʹssmannust kaunnõõttmen vueiʹvvminiʹstter Sipiläin da tän õhttvuõʹđest mij suåviim, što altteep näkam proseeʹss leša tõin detaljiin suâppap mâʹŋŋlest, maainast Sanila-Aikio. Sääʹmõhttsažkåʹdd taarbâs lââssteâđaid måkam proseeʹss maaiʹlmest lie leämma, mii tõi täävtõs da lopp-puåđõs lie leämma da tõnt de suåviim valdiasuåvtõõlli pravleeʹnnʼjain, što mij jäʹrstep näkam seminaar tõin ǩiõččlâsttmõõžžin mõõk maaiʹlmest lie leämma tuõttvuõtt da suåvâdvuõtt prosessin, särnn Sanila-Aikio.

– Jos tän presessa vueʹlǧǧep de tät-han miârkkčääv što olgg komissio âzsted da komissaarid kook komissiost lie da tõk tuåimmamnääʹl. Tõt lie seʹlvv kâʹl, što pukin ǩiõlljooukin lie jijjes-i ääššaid kook taarbže lokku välddmõõžž, leša nääll mäʹhtt da kuâss, täk-han lie aivv äävai ko jeäʹp leäkku piâssâm suåppad täi detaljin veâll, što vueʹlǧǧep-a mij ouddsââʹjest lääʹddjânnam valdiain tän prosessa avi jeäʹp, maainast Tiina Sanila-Aikio.

Kuvddal maainâs pâʹjjbeäʹl.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä