Sápmi |

Sanila-Aikio válljejuvvui sámedikki ođđa ságadoallin 2015 jienaiguin 12–8

Sámediggi vállje lávvardaga ođđa ságadoalli loahppajahkái ja loahppabadjái. Čoahkkin álgá lávvardaga diibmu 12 ja mii čuovvut dan báikki alde. Ođđasat ja govat ihtet dán artihkkalii ja Twitterii fáddágilkoriin #yledál.

Tiina Sanila-Aikio
Tiina Sanila-Aikio ovdal jienasteami. Govva: Pirita Näkkäläjärvi / Yle

Nuortalašgiela ja kultuvrra oahpaheaddji Tiina Sanila-Aikio (r. 1983) Anáris válljejuvvui ságadoallin jienaiguin 12–8; vuostteevttohas lei ovdalaš rektor Yrjö Musta (r. 1954) Anáris.

Vuosttas várreságadoallin válljejuvvui Heikki Paltto Anáris jienaiguin 11–7; vuostteevttohas lei Yrjö Musta.

Dan maŋŋá čoahkkin doalai ráđđádallanbottu, man maŋŋá Anne Nuorgam gesii evttohusas ohcejohkalaš Ilmari Tapiolas nubbin várreságadoallin eret ja Anu Avaskari evttohusas Yrjö Mustan nubbin ságadoallin eret.

De čoahkkin válljii ovttamielalaččat nubbin várreságadoallin ja ođđa stivrra lahttun eanodatlaš luohkáoahpaheaddji Ulla-Maarit Magga (r. 1973).

Varrasamosat: Sápmi

Váldoođđasat

Varrasamosat

Muualla Yle.fi:ssä