Koe uusi yle.fi
Sápmi |

Sarre-sohka čoahkkana vahkoloahpa Menešjávrris

Almmuhanáigi sohkadeaivvadeapmái lea jo nohkan, muhto searvvi ságadoalli Stefanie Sarre muitala, ahte deaivvadeapmái sáhttá boahtit vaikko ii leat almmuhan iežas. Sarre sohkasearvái gullet badjelaš 40 lahtu.

Stefanie Sarre
Stefanie Sarre jođiha Sarre-sohkasearvvi. Govva: Heli Huovinen/ Yle

Sarre-soga sohkadeaivvadeapmi ordnejuvvo boahtte vahkoloahpa, 21.-23.7. Menešjávrri Korpikartano-hoteallas.

Sarre Sukujuuret ry -sohkasearvvi ságadoalli Stefanie Sarre muitala, ahte sii ordnejit sohkadeaivvadeami oktii jagis.

– Mis lea njealji jagi gaskkaid stuorit aitosaš čoahkkin, muhto oktii jagis dákkár unnit.

Sarre lea stuora sohka ja dán searvái gullet badjel 40 lahtu. Sohkadeaivvadeapmi ja -searvi eai goittotge leat oaivvilduvvon dušše dihto Sarreid maŋisboahttiide, baicce buohkaide, geaid máttuin lea muhtin Sarre.

– Mii eat ráddje dien láhkai ollenge, reahkká vaikko livčče gávcci sohkabuolvva duohken. Dat maid reahkká, jus lea naitalan Sarrein, de oažžu searvat min sohkaservii, muitala Stefanie Sarre.

– Dieđusge mii háliidit diehtit, mii lea ohcci oktavuohta min sohkii. Mii de searvvi stivrrain gieđahallat ohcamušaid.

Deaivvadeapmái sáhttá searvat, vaikko ii livčče almmuhan iežas

Almmuhanáigi sohkadeaivvadeapmái lea nohkan juo 14. beaivve, muhto searvvi ságadoalli Stefanie Sarre muitala, ahte deaivvadeapmái sáhttá boahtit, vaikko ii leat almmuhan iežas.

– Almmuheapmi lei dušše dan váras, vai várren borramuša ja gáfiid doarvái. Iežas nisttiid ii hotellii sáhte buktit, muhto lávvardateahkedis mii áigut dolastallat hotealla šiljus, bassit márffi ja steaigáhkkuid ja nu ain, lohká Sarre.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä