Sápmi |

Sihkkelasti báhččojuvvui jámas Urho Kekkonena álbmotmeahcis – dáhpáhusa dutket roavva jápmima dagaheapmin

Loddebivdi báhččán ládda deaivvai 30-jahkásaš albmái. Boles navdá dáhpáhusa leat vahát.

Urho Kekkosen kansallispuisto luminen maisema.
Urho Kekkonena álbmotmeahcci govvejuvvon 18.10.2020. Govva: Maiju Saijets / Yle

Urho Kekkonena álbmotmeahcis Savukoski gieldda bealde dáhpáhuvai vahkkoloahpas lihkohisvuohta, go sihkkelasti báhččojuvvui jámas.

Boles navdá, ahte dáhpáhus lei vahát.

30-jahkásaš almmái lei sihkkelastimin merkejuvvon meahccebálgáid, go loddebivdi bážii ja ládda deaivvai sutnje. Bivdi lei jođus okto ja sus ledje buot lobit ortnegis.

Almmái lei eret oaivegávpotguovllus, ja son lei jođus njeljiin eará olbmuin. Sii geahččaledje addit vuosttasveahki, muhto almmái jámii ovdalgo vuosttasveahkkedivššárat ollejedje báikki ala.

Ášši dutket dál roavva jápmima dagaheapmin.

Varrasamosat: Sápmi

Váldoođđasat

Varrasamosat

Muualla Yle.fi:ssä