Sápmi |

Skábmagovat ii čájet dálá dieđuid mielde Michelle Latimera buktagiid festiválas

Skábmagovat-filbmafestivála dáiddalaš jođiheaddji Jorma Lehtola muitala, ahte sii jiekŋudit doaisttážii plánaid Michelle Latimera filbmadujiid čájeheames.

Skábmagovat-elokuvajuhlien taiteellinen johtaja Jorma Lehtola
Skábmagovat-filbmafestivála dáiddálaš jođiheaddji Jorma Lehtola lea čuvvon Michelle Latimera guoskevaš ságastallama neahta bokte. Govva: Vesa Toppari / Yle

Eamiálbmogiid filbmafestivála Skábmagovat ii dálá dieđuid mielde áiggo boahttevaš festiválas čájehit Michelle Latimera bagadallan tv-drámas osiid. Gažaldat lea bálkkašuvvon Trickster-drámaráiddus, mas Skábmagovain lei ulbmil čájehit muhtin osiid.

Trickster-drámaráidu muitala Haisla álbmogii gullevaš nuoraid eallimis British Columbias. Ráidu almmuhuvvui dán čavčča CBS tv-kanálas ja dat čájehuvvui maiddái Toronto filbmafestiválain buoremus čájehanáiggi. Ráiddu leat maiddái válljen juovlamánus kanadalaš filbma- ja TV-suorggi Playback-magasiinnas jagi giehtačálusin.

Skábmagovaid dáiddalaš jođiheaddji Jorma Lehtola lohká, ahte dál orru jierbmámus čuovvut ságastallama Latimera eamiálbmotvuođas ja das, mo dilli ovdána. Danin Skábmagovat áigu bissehit plánaid čájehit Latimera buktagiid festiválain.

Suorggahahtti ja váivves ođas

Eamiálbmotfilbmadahkkin dovddusin šaddan Michelle Latimer eamiálbmotmáttuid leat bidjan gažaldatvuložin Kanadas.

Gieskat almmuhii CBC News artihkkala, man mielde eamiálbmogiid ovddasteaddjit eai dovdda Latimer oktavuođaid Kitigan Zibi -servošii.

Skábmagovaid dáiddalaš jođiheaddji Jorma Lehtola lea dovdan Latimera juo guhkkit áigge. Son lohká, ahte dát ášši beaggigođii fáhkka ja lea oba suorggahahtti.

– Eandaliige dál, go son lea beassan nu bures johtui ja sus lea boahtán guokte beakkánis filbmabuktaga, smiehtada Lehtola.

Lehtola: "Fertet doaisttážii jiekŋudit fidnu"

Lehtola mielas leige hui váivi gullat dáid ođđasiid gitta Kanadas. Lehtola lea eanemus čuvvon dili neahta ja sosiála media bokte.

Eará eamiálbmotfilbmadahkkiide dilli leamaš duššastuhtti, dasgo Latimer lea ožžon viehka olu namalassii eamiálbmogii gullevaš filbmadahkkiide dárkkuhuvvon doarjagiid, čilge Lehtola.

Latimer lea ožžon maiddái ollu rámi iežas bargguin ja su filmmain birra čáledettiin leat rábmon dan, man ollu eamiálbmotmuitalusat leat ovdánan maŋimuš áiggiid. Filbmadahkki čuovvovaš filbmaduodji, Inconvenient Indian -dokumentára galggai čájehuvvon dovddus Sundance-filbmafestiválas. Dál goittotge dokumentára lea gessojuvvon eret Sundance-filbmafestivála prográmmas ja maiddái riikkaviidosaš čájehemiin.

Lehtola lea dan oaivilis, ahte go Latimera dokumentára lea gessojuvvon earáge sajiin dál eret, galgá buktagiid čájeheami smiehttat maid ođđasit maid Skábmagovain.

– Goit doaisttážii mii fertet jiekŋudit dan fidnu. Dasgo dokumentára, mainna son lea bargan ja mii meneštuvai Toronto ealligovvafestiválas, lea gessojuvvon eret, árvala Lehtola.

Skábmagovaid dáiddalaš jođiheaddji Jorma Lehtola eamiálbmotfilbmadahkki Latimera guoskevaš ságastallamis. Jearahallan lea suomagillii. Jietna: Linda Tammela / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä