Sápmi |

Sohkaršohkka álgá viimmat!

Yle Sámis álgá bearjadaga 8.3.2013 ođđa nuorra ollesolbmuid radioprográmma Sohkaršohkka – Sukkâršokki – Säähharšok. Guhkká vurdon prográmma Facebook-siidu lea čoaggán vahkus badjel 120 liikojeaddji, vaikke Sohkaršohkka ii leat vel álgánge.

Yle Sámi ođđa nuorra ollesolbmuid radioprográmmas Sohkaršohkas čudjet buot golbma sámegiela. Ovddabealde lágideaddjiguovttos Áslat Paltto ja Heli Huovinen ja duogábealde trendakommentáhtor Neeta Jääskö, reporter Ánne Kirste Aikio ja suollemas ii-ođasdoaimmaheaddji. Govas váilu reporter Sara Wesslin. Govva: Vesa Toppari / Yle

Jođiheaddjiguovttos Heli Huovinen ja Áslat Paltto vuordiba iluin vuosttas njuolggosáddaga.

- Dát lea hui gelddolaš, daningo mii leat plánen dákkáraš prográmma nu guhkká ja dál dat viimmat ollašuvvá, Heli illuda.

- Dát lea ollislaš prográmma, mas musihkka lea dehalaš oassi sisdoalu ja sisdoallu dehalaš oassi musihka, Áslat filosofere.

Sohkaršohkas čudjet buot golbma sámegiela. Nuorra veahkit leat ráhkkanan intensiivalaččat. Ánne Kirste Aikio lea jođihan Sohkaršohka konsepterenbarggu ja bargá reportašaid. Neeta Jääskö kommentere álgoálbmot- ja sámetrendaid. Reporter Sara Wesslin ja suollemas ii-ođasdoaimmaheaddji searvaba Sohkaršohkkii giđa mielde. Yle Sámi teknihkalaš buvttadeaddji Pekka Aikio lea plánen jietnamáilmmi.

Sohkaršohkka gullo Yle Sámi radiokanálas, interneahttaradios ja mobiltelefonapplikašuvnnaid bokte juohke bearjadaga diibmu 15.04-17.00. Prográmma ihtá maŋŋá maid Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä