Sápmi |

Sohkaršohkka álggaha ođđa videoráiddu: geahča vuosttas Vástit dahje bora! -video, mas lea mielde Mihkku Laiti

Vástit dahje bora -hástalusas galgá vástidit čavga gažaldagaide dahje borrat ilgadis borramušaid.

Video: Vástit dahje bora
Geahča dán videos, šattaigo Mihkku Laiti smáhket Sohkaršohka "herskkuid". Video: Yle Sohkaršohkka

Yle Sámi nuoraidprográmma Sohkaršohkka álggaha ođđa videoráiddu Yle Areenas. Ráiddus dovddus sápmelaččat galget vástidit čavga gažaldagaide, dahje jus eai hálit dahje máhte vástidit, galget borrat juoga ilgadis borramuša.

Vuosttas oasis ledje fállun earret eará riiposmoothie, vuoivvasmárfemousse ja bussábiebmu.

Ráiddu vuosttas oasis lea mielde ohcejohkalaš ráppár Mihkku Laiti nappo Yungmiqu. Ráidu almmustuvvá oktii mánotbajis ja mielde leat earret eará Ailu Valle, Amoc ja Yle Sámi ođaslohkki Kaisa Aikio.

Ráiddu doaimmaheaddjin lea Xia Torikka.

Gean Talent-duopmára oaivil ii mearkkašan Laitii maidige?

Vástit dahje bora -videos Mihkku Laitiin lei sáhka earret eará Suoma Talent -gilvvu birra. Sus jerrojuvvui ovdamearkka dihte, ahte gean Talent-duopmára oaivil ii mearkkašan sutnje maidege. Gilvvu duopmárat leat HP Parviainen, Krista Siegfrieds, Jorma Uotinen ja Ernest Lawson.

Mihkku Laiti
Mihkku Laiti muitalii Vástit dahje bora -videos, gean Talent-duopmára oaivil ii lean sutnje dehálaš. Govva: Tomi Lampinen / Yle

Laiti vástádus lei, ahte Jorma Uotinen oaivil ii lean sutnje dehálaš. Uotinen maid jearai semifinálas, leago Mihkku Laiti šamána.

– Vuos mun ballen su kommeanttaid eanemus, muhto de vuosttas geardi manai bures. De nuppi geardde, go son jearai mus dan šamánagažaldaga, de ledjen vehá ahte na juo, in dieđe manin son jearai diekkára, čilge Laiti videos.

Laitis gal lei juohke gažaldahkii vástádus, muhto go gearddi lei dákkár hástalussii vuolgán fárrui, de smáhkestii goit vuoivvasmárfemousse.

– Iihan dat lean bahá, árvala Laiti.

Varrasamosat: Sápmi

Váldoođđasat

Varrasamosat

Muualla Yle.fi:ssä