Koe uusi yle.fi
Sápmi |

Sohkaršohkka: Duohtavuođa Soundtrack

Mio Negga lea musihkkár, produseanta ja neavttár ja almmustahttá golbma ođđa bihtá, mat leat dovddusat teahterbihtás Co2lonial Nation. Jos it leat oaidnán teahtera, de Sohkaršohkka ávžžuha guldalit váldobihtá Sogiid Siste.

Sarakka Gaup, Elina Israelsson ja Mio Negga teahterčájalmasas Co2lonial Nation
Sarakka Gaup, Elina Israelsson ja Mio Negga teahterčájalmasas Co2lonial Nation, mii gieđahallá sámiid duohtavuohtakomišuvnna. Govva: Giron Sámi Teahter

Giron Sámi Teahtera ja Rospuutto Ryhmä "dokumentára"-teáhterčájálmas Co2lonial Nation lea eiddo geargan johtimis Sámis. Eai leat menddo máŋga sámi teahterbihtás ráhkaduvvon Soundtrack, muhto dál Mio Negga dahjege 169 almmustahttán golbma bihtá dán teahterčájálmasas. Mio Negga muitala, ahte lei hui erenomáš ja losses vásáhus neaktit čájálmasas, muhto áttii maiddái hui olu ja illuda dál das, ahte man ollu teahterbihttá attii sunnje.

"Sogiid Siste" bihttá ovttas 169 leat dahkan Sarakka Gaup, Elina Israelsson ja Niko Valkeapää. Sániid lávlagii lea čállán Niillas Holmberg. Nuppi bihtá "Ráfi" lea čállán Simon Issát Marainen ja goalmmát bihtá "Piståvllåjubmel" sániid lea Mio Negga ieš čállán ja son lea komponeren ja buvttadan buot lávlagiid.    

Bihtát almmustuvvojit digitála hámis 23.6.2017, muhto sohkaršohkkás bihtát leat jo dál gullanláhkai.

169 lea ovdal almmustahttán ovtta EP, bálodaga part1. ja dál lea son bargamin ođđa musihkain, muhto oaidná ahte ii áiggo konsearttaid doallat, muhto baicce bidjá návccaid ieš musihka ráhkadeapmái, komponeremii ja buvttadeapmái, dego varrasamos bargu sus lea ovttas Anna Lumikiviin, Tiina Sanila-Aikioin ja Pauliina Feodoroffain, mii almmustuvvo dán bearjadaga 16.6.2017 Njeavdámis nuortalaš musea rahpamis.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä