Koe uusi yle.fi
Sápmi |

Sohkaršohkka: Geassi lea dál, leatgo gearggus?

Sohkaršohkas deaivvadit nuorra párain, geat náitaleaba dán vahkuloahpa ja beassat gullat movt lea heivehit iešguđetlágan eallinbirrasiid oktii. Naba movt lea suohpangiehta ja juoigangiehta, gosa čuovvovažžat beassa dan šlivgut?

Sohkaršohkka heajastallamin ja festiválain rieddjamin, nabas don?
Ráhkisvuohta, geassefestiválat ja musihka - dainna de galggašii birget dán geasi? Govva: Yle Sápmi

Go geassi de viimmat ollii Sápmái, de ferte leat gearggus ja ollet grillet, sávdnut, vuojadit ja basihit beaivvi ovdalgo lea menddo maŋŋit, dušše sihkkarvuođa dihte.

Riikka Morottaja ja Eero Juntti náitaleaba dán vahkuloahpa ja de beassatge gullat movt lea heivehit iešguđetlágan eallinbirrasiid oktii, go studerenáiggid maŋŋá leaba mearridan fárret davás boazodoalu dihte.

Seamma guoská maid geassefestiválaid: dán vahkuloahppa lágiduvvo Sámi vuosttaš "geasse"-doalut, Taiga festivála. Dieđusge ráhkkaneapmi lea leamaš váttis dán jage, go lea nu ollu leamaš muohta, muhto dat ii hehtte lágideaddjiid, go sii leat sirdán gilvobáikki njoarosteami ja báhčima várás Dávgevári gollegili guovddážii, gos maid musihkkafestivála lea.

Kevin Boine šattai Norgga bealde bivnnut Talent-gilvvus ja sus lea dan maŋŋá leamaš hušša musihkain. Muhto maid 24 jagi riegádanbeaivve doaluid ávvudeaddji árvala boahttevaš geasi plánain? Son lea muđui vuosttaš geardde boahtimen Suoma beallái doallat konsearta!

Naba geat earát leat boahtimen festiválii čuojahit, ja makkár doalut leat dán jage, go njoarostangilvvu vuoitun ii leat šat njealljejuvllat?

Geahča Sohkaršohka facebook-siiddus eará ságaid, mat eai ollen mielde sáddagii.

Dás beasat Sohkaršohka Yle Areena-siidui.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä