Sápmi |

Sohkaršohkka: Sámegielat Geassegumme kondomapáhkat leat dál oažžumis – "Hárjehallamiin saddá ráhkistanmeašttir!"

Ášši loahpas sáhttát geahččat go Sohkaršohkka geahččalii mot Geassegumme sámegielat rávvagat doibmet. Video lea badjel 12-jahkásaččaide.

Sámegielat geassegummekondoma páhkat.
Govva: Vesa Toppari / Yle

Sámegielat Geassegummet leat dál oažžumis. Geassegumme-kondomapáhkain dábálaččat leat leamašan rávvagat suoma- ja ruoŧagillii.

Dál goit rávvagat leat maiddai golmma sámegillii: anárašgillii, nuortalašgillii ja davvisámegillii. Sámegielat kondomapáhkain rávvagat leat muhtin sámegillii ja maiddai eaŋgalasgillii.

Sámegielat Geassegumme-kampánjii dárbu

Sámedikki nuoraidráđi ja Álbmotlihttu ovttasbarggu boađusin kondomaid teavsttat jorgaluvvojedje golmma Suomas hubmojuvvon sámegillii. Maiddái kampánjii gullevaš Ráhkistanmeašttir -seksuáladearvvasvuođaiskkadeami sáhttá dahkat sámegillii.

Nuoraidčálli Kaisa Tapiola-Länsman muitala, ahte nuoraidráđi temán lea dán jagi seksuáladearvvašvuođa áššit ja maiddai eará dearvvašvuođa áššit.

Jietna: Kaisa Tapiola-Länsman
Jietna
Kuldâl maid nuorâičällee Kaisa Tapiola-Länsman muštâl Kesikumi-kampanjast. Kove: Vesa Toppari Jietna: Sohkaršohkka

Tapiola-Länsman muitalii cuoŋománus Yle Sápmái, ahte Seksuálaáššit leamašan álot sámi servodagas tabu-ášši. Tapiola-Länsman muitalage, ahte jearahallama maŋŋá su 70-jahkásaš vuotnámii riŋgii soames ja imaštalai dan go Tapiola-Länsman humai seksuálaáššiin rádios. Maiddai sámegielat Geassegumme-kampánjii leat bohkosan. Tapiola-Länsman lohká sámegielat Geassegumme-kampánjii leat dárbu.

Oktiibuot kampánjjas juhket 220 000 geassegumme

Geassegumme-kampánja oktavuođas almmustahttojuvvo maiddai Geassegumme-bihttá. Artista Antti Tuisku bihttá Kumipuku lea dán jagaš Geassegumme-bihttá.

Geasi áigge Suoma stuorimus dáhpáhusain juhkkojuvvojit 190 000 geassegumme ja Soalddatruovttulihttu juohká 30 000 luopmogumme sidjiide geat leat čađaheame soahteveaga.

Dán geasevuosttaš Geassegummiid sáhttá viežžat YlePopis mii lea Vaasa Kauppatoris. Doppemaid Geassegumme-bihttá musihkkavideo vuosttaščájáhus.

Video: Sohkarsohkka Geassegummi
04:34
Keejâ maht toimâtteijeeh Heli Huovinen, Aslak Paltto já Sara Wesslin iskii Kesikumi ravvuid. Video: Sohkaršohkka

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä