Sápmi |

Solju-joavku almmustahtii ođđa musihkkavideo – govat Sámis, soađis ja meahccebuollimiin

Video lea čállán ja bagadallan suopmelaš gráfalaš plánejeaddji ja hábmejeaddji Stefan Lindfors.

Solju musihkkavideo "Muhtumin". Video: Solju-joavku Youtube-kanála / Musihkkavideo lea čállán ja bagadallan Stefan Lindfors

Solju-joavkkus lea almmustuvvan ođđa musihkkavideo. Musihkkavideo lea dahkkon šukŋii Muhtumin, mii lea jagis 2018 almmustuvvan skearrus Ođđa áigodat.

Video lei Ilta-Sanomat -aviissa vuosttaščájeheamis duorastaga ja dat lea oaidninláhkai maiddái earret eará Solju-joavkku YouTube-kanálas. Video lea čállán ja bagadallan suopmelaš gráfalaš plánejeaddji ja hábmejeaddji Stefan Lindfors.

Solju-jovkui gullet eadni ja nieida Ulla Pirttijärvi-Länsman ja Hildá Länsman ja sudno lassin Teho Majamäki ja Janne Puurtinen.

Solju-joavkku Ođđa Áigodat -albuma lei oktan evttohassan dán jagáš Teosto-bálkkašumi oažžun. Teosto-bálkkašupmi lea okta Davviriikkaid stuorimus dáiddabálkkašumiin.

Varrasamosat: Sápmi

Váldoođđasat

Varrasamosat

Muualla Yle.fi:ssä