Sää´mjânnam |

Sophia Kiprianoff, 7 mušttal Pikku Kakkonen -prograaʹmmest, måkkam lij mättʼtõõllâd kueʹhtt sääʹmǩiõl

Heʹlssnest jälsteei nuõrttsääʹmniõđâž Sophia Kiprianoff lij tän ǩeässa mieʹldd Pikku Kakkonen -päärnaiprograaʹmmest.

Video: Sophia Kiprianoff kertoo saamen kielten opiskelusta Pikku Kakkosessa.
Video: Sophia Kiprianoff Pikku Kakkonen -päärnaiprograamm potrett-mainstâʹttmõõzzâst.

Čiččâmekksaž Sophia Kiprianoff čuäʹjat kameraaʹje nuõrttsääʹmǩiõʹlle da tâʹvvsääʹmǩiõʹlle nââmrid. Sääʹmǩiõli kõõskâst lie jeäʹrdõõzz, leâša tõt iʹlla reiddam niõđ mättʼtõõllmest kuhttuid sääʹmǩiõlid.

Son väʹʒʒ škoouʹl Pasilast, Heʹlssnest tâʹvvsääʹmǩiõllsaž klaaʹssest da tõn lââʹssen Kiprianoff mättʼtââll sooǥǥes ǩiõl, nuõrttsääʹmǩiõl ougglõsmättʼtõʹssân.

Mõõʹnni ǩiiđ Yle lääʹddǩiõllsaž päärnaiprogramm Pikku Kakkonen jieʹli seuʹrrjeʹmmen suu jieʹllem.

– Tät leäi kâʹl hääʹsǩ! Mon piâzzem joba looppâst, ko leʹjjim Pikku Kakkonen studiost jieʹlled še ǩiõččmen Pikku Kakkonen põõrt!, rämmaš Sophia teʹlfoonâst.

Jietna: Sophia Kiprianoff leäi mieʹldd Yle Sääʹmm Dearvva! Tiõrv! Tiervâ! -vuõlttõõzzâst mušttleʹmmen jiijjâs Pikku Kakkonen fiʹljummuž pirr.

Sääʹmǩiõli mättʼtõõllmõõžž lââʹssen Sophia čuäʹjat Pikku Kakkonen ǩiõččjid, måkkam sääʹmpihttâz suʹst lie, måkkam nuõrttsäʹmmlai ǩeäpper lie da looppâst juõiǥi âʹbrrčõõʹlmid.

Rääid looppâst son mušttal sääʹmǩiõli sââʹj pirr. Sophia haalâd älšmâʹtted oummid lookâkd sääʹmǩiõlid.

– Jos håʹt 100 oummu jâʹsǩǩe mainsteʹmmest nuõrttsääʹmǩiõl, nuʹt teʹl ǩiõll joor mieʹrre, leʹbe jaamm meädda, looppât Kiprianoff Pikku Kakkonen prograaʹmm.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä