Sápmi |

Sotnabeaivve ávvudit máilmmi eamiálbmogiid

Sotnabeaivve 9.8. lea máilmmi eamiálbmogiid beaivi. Beaivi lea ávvuduvvon jagi 1995 rájes.

Sámi leavga
Suomas eamiálbmogiid beaivi lea sámeleavgga virggálaš leavgabeaivi. Govva: Yle Sápmi

Sotnabeaivve 9.8. ávvudit riikkaidgaskasaš eamiálbmogiid beaivvi. Eamiálbmogiid beivviin háliidit muitit eamiálbmogiid, sin kultuvrraid, olahusaid ja ánssuid.

Beivviin háliidit maiddái giddet fuomášumi dasa, ahte buot eamiálbmogiiguin eai velge meannut dásseárvosaččat ja sin olmmošvuoigatvuođaid galggašii gudnejahttit eambo.

Ovttastuvvan Našuvnnaid oktasaščoahkkin mearridii juovlamánus 1994 vuođđudit borgemánu 9. beaivvi máilmmi eamiálbmogiid beaivin. Beaivi lea vuođđuduvvon dan gudnin, go vuosttaš eamiálbmotbargojoavkku čoahkkin lei borgemánu 9. beaivve jagis 1982.

Suomas eamiálbmogiid beaivi lea sámeleavgga virggálaš leavgabeaivi.

Eanet eamiálbmogiid beaivvi birra beasat lohkat Ovttastuvvon našuvnnaid neahttasiiddus.

Varrasamosat: Sápmi

Váldoođđasat

Varrasamosat

Muualla Yle.fi:ssä