Säämi |

Sovintováárán piäsá taan keesi oppeet, mutâ tuše räijejum ääigi

Sovintovaarast láá tovle sovâttâllâm aašijd, tääl tobbeen puáhtá uáiniđ kuhás.

Video: Sovintovaara
Kuávlu lasseen puáhtá uáiniđ puáris tävirijd

Sovintovaara lii vääri Äijihjävri alda, Avelist suullân 10 kilomeetter Anarân. Tovle tot lii lamaš keerrivpäikki já tast puátá nommâ, Sovintovaara, Sovâttâllâmvääri. 1980-lovvoost irâtteijee Paavo Holopainen huksij viste vääri oolâ. Sust lâi juurdân ceggiđ čierâstâllâm pääihi já hotelli tohon, mutâ Aanaar kieldâ vuástálistij. Tuše uáinuspääihi uážui huksiđ. Čohčuv 2009 Helena Sysiö oostij pääihi já čuávuváá ive aalgij toollâđ tom ain keessiv áávus. Ive 2016 tábáhtui kuittâg miinii já lâi pákku pieijâđ pääihi kiddâ.

– Máđháliih vannuu nuuvt, ete ij innig kannattâm toollâđ pääihi áávus, koloh lijjii stuárráábeh ko puáđuh, iätá Sysiö.

Helena Sysiö
Helena Sysiö Sovintovääri eemeed. Govva: Anja Kaarret / Yle

Algâ iivij ääigi ellii ennuv-uv, suullân lovetuhháát kyessid. Päikki lâi mottoom ive kiddâ, tuše moddii keessiv lâi áávus. Taan keesi tot lii tääl Aanaarohoi ääigi áávus, Jänkällä-jytisee -tábáhtus ääigi já rušken.

Táálu pajekeerdist uáiná kuhás Aanaarjáávrán, šiev šooŋâst Ruoššâ vaarijd-uv.

– Pyeremus tääbbin lii tot ráávhu já tot ko uáiná jäävri, toos ij čalmastuu kuássin, rámmoo Sysiö.

moottori
Šiljoost kávnojeh meid puáris koskâmoottor rááđuh. Govva: Anja Kaarret / Yle

Kuávlu lasseen puáhtá uáiniđ puáris tävirijd

Šiljoost já tuuveest láá uáinimist meid tovlááh tävireh. Láá kárbáh, motoreh, moottorkiälkká, pikkâpuáldim saje, suátiáigásiih fiävruh já siste kávnojeh lase tovlááh tiiŋgah. Virgálâš museo taat ij kuittâg lah.

– Taat lii museo lovnimmerháin, kuássin taat ij lah uážžum museo status. Ovdilgo sämimuseo Siidast lekkâsij sismuseo, te taat lii lamaš nuuvtko “ovdâ Siida”, tiätá Sysiö.

Kuldâl Sysiö sahhiittâllâm tast.

Varrasamosat: Säämi

Váldoođđasat

Varrasamosat

Muualla Yle.fi:ssä