Sápmi |

Sovkina eai luoitán Norgga sámedikki 25 jagi doaluide

Ruošša eamiálbmotovddasteaddjit, geaid Ruošša stáhta eastadii vuolgimis máilmmikonferánsii, leat váidan áššis. Ovddasteaddjit leat čuoččáldahtán ášši rihkkusáššin.

Valentina Sovkina
Valentina Sovkina (gur.) ja Tiina Sanila-Aikio eamiálbmogiid máilmmikonferánssas New Yorkkas 2014. Govva: Berit Solveig Gaup / NRK

Ruošša boles eastadii Guoládaga sámi parlameantta ságadoalli Valentina Sovkina oassálastimis Norgga sámedikki 25 jagi ávvudeapmái mannan vahkus. Sivvan lei dat, ahte son ii leat máksán viessoláiggu ja go sus leat vealggit.

– Ovdal eai leat dákkáriin velehan, vaikke mus leamašan ovdalge vealggit, Sovkina muitala NRK Sápmái.

Ruošša eamiálbmotovddasteaddjit ja sin joavkkus maid Sovkina, leat váidan ovddit dáhpáhusa, mii guoskai New York máilmmikonferánsii oassálastima. 

Ovddasteaddjit leat čuoččáldahtán ášši rihkkusáššin. beales ášši vuodjá jurista Vitali Cherkasov. Áššis dieđiha Álbmogiidgaskasaš eamiálbmotáššiid bargojoavku IWGIA.

Boles ii leat váldán oktavuođa vaikke galggai

Guoládaga sámi parlameantta ságadoalli Valentina Sovkina beales ášši vuodjá jurista Vitali Cherkasov.

– Ruošša johtolatboles DPS galggai boahtit čilget manne mu bissehedje mátkis New Yorkii. Boles ii leat váldán oktavuođa, vaikke galggai ja danin lean ovdánan dainna rihkkusáššiin, Sovkina muitala.

Varrasamosat: Sápmi

Váldoođđasat

Varrasamosat

Muualla Yle.fi:ssä