Sápmi |

Spirebuhtadusaid máksigohtet bearjadaga, muhto njealját oassi vahágiin báhcá mávssekeahttá

Jagi 2017 spirebuhtadusaid máksigohtet miessemánu 11. beaivvi rájes, dieđiha MAVI (Maaseutuvirasto). Spirebuhtadusaid eai bastte máksit dievaslaččat ja 26% submis báhcá mávssekeahttá.

Ahma tappaa eniten poroja, mutta poronhoitaja ei saa korvausta jos raatoa ei löydy.
Jagi 2016 spirebuhtadusaid mákse badjeolbmuide 2017. Dalle ollislaš vahátsupmis báhce mávssekeahttá 4 proseantta ja dál 26%. Govva: Aslak Paltto / Yle Sápmi

MAVI dieđiha, ahte spirebuhtadusaid álget máksit dán vahku bearjadaga rájes. Sierra báŋkkuid dihte soaitá leat, ahte mávssut ollejit konttuide easkka moatti beaivve maŋŋá.

Jagi 2017 ovddas spirebuhtadusaid mákset oktiibuot 7,3 miljovnna euro. Suopma ii bastte máksit spirebuhtadusaid dievaslaččat, danin go stáhtabušeahtas várrejuvvon supmi ii ole olles vahátsubmi buhttemii.

Dál vahágiin mákset dušše 74%, nappo 26% vahátsupmis báhccá mávssekeahttá. Buohkain, geat leat oažžumin spirebuhtadusaid, geahpedit seamma veardde buhtadusmávssu.

Supmi ii sisttisdoala dan buhtadusa, man Eana- ja meahccedoalloministeriija máksá misiid jávkama ovddas (sg. vasahävikkikorvaus).

Jagi 2016 spirebuhtadusaid mákse badjeolbmuide diibmá. Dalle ollislaš vahátsupmis báhce mávssekeahttá 4 proseantta ja dál 26%.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä