Sápmi |

Stuorimus muorječoagginfitnodagat eai buvtte muorječoaggiid davimus gielddaide oanehis čoagginsesoŋŋa dihte

Yle Sápmi gulaskuttai, buktetgo stuorimus muorječoagginfitnodagat olgoriikkalaš muorječoaggiid davimus gielddaide murjet.

Hilloja suolla Tervolassa
Davimus guovlluin Sámis luopmánat leat justa láddan. Gova luomejeaggi lea Tervolas, Roavvenjárgga máttabealde. Govva: Antti Ullakko / Yle

Stuorimus muorječoagginfitnodagat muitalit, ahte sii eai buvtte muorječoaggiid davás.

Yle Sápmi riŋgii áššis golmma stuorra muorječoagginfitnodahkii: Polaricai, Arctic Internationalii ja Kiantamai. Korvatunturin Marja eat fáhten kommenteret.

Fitnodagain dadjet, ahte sii eai čoakke murjjiid Suoma davimus gielddain dan dihte, go muorječoaggináigodat lea nu oanehis, eaige muorjjit gávdno vealttakeahttá doarvái.

Muorjefitnodagaid olgoriikkalaš muorječoaggit leat goittotge aŋkke Soađegili ja Savukoski guovlluin.

Dán vahku álggus Ohcejogas beaggigođii sáhka olgoriikkalaš muorječoaggiin, ja áššis šattaige ságastallan sosiála medias.

Yle Ođđasiid Sámis ja Beaivvi ságaid sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä