Sápmi |

Sukkaršokki: anarâškielân lii puátimin podcast, mii kieđâvuš aašijd, moin ij lah mudoi saahâ

Sukkâršokkist lii taan oho fáárust Niina Aikio-Siltala. Sun maainâst uđđâ anarâškielâ podcastist, mii kieđâvuš anarâšâid äigikyevdilis aašijd.

Niina Aikio-Siltala ja Neeta Jääskö
Niina Aikio-Siltala já Neeta Jääskö finnij juurdâ podcast algâtmist, ko lijjii iävtukkâssân sämitigevaaljâin moonnâm čoovčâ. Govva: Xia Torikka / Yle

Niina Aikio-SiltalaNeeta Jääskö lává porgâmin anarâškielâlâš podcastijn. Suoi finnijn juurdâ podcastist, ko suoi kuohtuuh láin Sämitige vaaljâin iävtukkâssân.

Suoi smietáin, ete halijdává lase media anarâskielân, ko tot ij lah nuuvt ennuv. Aikio-Siltala iätá-uv, ete ko anarâškielâlâš media ij eidu lah, te kalga rähtiđ tom jieš. Suoi lává uážžum podcast almostittem várás meiddei išeruuđâ Sämitige kulttuurlävdikoddeest.

Veikkâ suoi kuohtuuh lává lamâš vaaljâin iävtukkâssân te suoi iävá haalijd savastâllâđ eidu politiikâst, mut tot sáttá puáttiđ eres fáádái fáárust. Podcastist suoi halijdává sárnuđ fáádáin, moin ij lah sárnum nuuvt ennuv.

– Ohtâ uási lii anarâšpargoelimist, ete lii-uv kuássin tuárvi pyeri já parga-uv tuárvi pargoid kielâ oovdân já mudoi-uv, mainâstij Aikio-Siltala vuolgâttâsâst.

Podcast vuosmuš uási lii tárguttâs almostuđ syeinimáánust.

Taan oho vuolgattâsâst lii saahâ meiddei life hacksijn já rasismivuástálistee mielâčaittusijn. Vuolgâttâsâst kuullâp meiddei siärvádâhváikutteijee Jenni Laiti sahhiittâllâm. Sun maainâst, mii lii pyeri vyehi váiguttiđ. Luuvâ eenâb ääšist täst.

Jietna: Sukkaršokki

Sohkaršohkka lea nuorra rávesolbmuid rádioprográmma, mii sáddejuvvo Yle Sámi rádios juohke duorastaga dii. 17.30–20.00 ja nuppádassii seamma áigge bearjadaga. Sáddagat gávdnojit maiddái Yle Areenas. Sátta gullo Norgga bealde NRK Sámi rádios juohke bearjadaga dii. 19.30–22.00. Sohkaršohka sáhttá čuovvut Instagramas @ylesohkarsohkka.

Varrasamosat: Sápmi

Váldoođđasat

Varrasamosat

Muualla Yle.fi:ssä