Säämi |

Sun kuldâl jienâkiirjijd já lohá sämikielâg e-kiirjijd – “Tuáivumieldi tast šadda puátteevuođâst taggaar normâ, ete mist láá jienâkirjeh suomâkielân já sämikielân”

Tuija Guttorm mielâst ličij pyeri rähtiđ sämikielâg kiirjijd digitaallâš háámán.

Tuija Guttorm
Tuija Guttorm kuldâl sämikielâg jienâkiirjijd já lohá meiddei e-kiirjijd. Govva: Jouni Aikio / Yle

Tuija Guttorm lijkkuu kuldâliđ jienâkiirjijd já lii taan räi kuldâlâm kulmâ jienâkirje sämikielân.

– Mun lam kuldâlâm Johan Turi muštâluš sämmilijn. Mun laaviim autost kuldâliđ, mudoi kal jiem. Lii uáli suotâs autost kuldâliđ, muštâl Guttorm.

– Tuáivumieldi tast šadda puátteevuođâst taggaar normâ, ete mist láá jienâkirjeh sehe suomâkielân ete sämikielân, iätá Guttorm.

"Ij kiästen lah Cd-čuojânâs innig"

Guttorm mielâst ij kannât innig rähtiđ jienâkiirjijd CD-skiäru háámán, ko kannattičij rähtiđ siämmáálágán vuáđu ko ovdâmerkkân bookbeat -nettisijđo.

– Aainâs digitaallâš versio ko tot lii tiivrâs printtiđ, tot ličij ohtâ muulsâiähtu. Puoh kiirjijd ij taarbâš finniđ fyysilâš häämist.

Magareh vädisvuođah jienâkiirjijn talle suu mielâst láá?

– Vädisvuotâ lii tot, ete ulmuuh iä lah hárjánâm. Párnáid já nuorâid sijjân lii uáli älkkee, váhá puárásub ulmuid tot lii uáli väädis. Sij aneh áárvust taid táválijd páppárkiirjijd.

Guttorm kuittâg avžut luuhâđ meid olmâ kiirjijd.

Varrasamosat: Säämi

Váldoođđasat

Varrasamosat

Muualla Yle.fi:ssä