Sápmi |

Suohpanterror gorgŋon Mannerheim-bácci ala Helssegis

Dálá dáidaga musea Kiasma ovddabealde leamašan miellačájáhus. Jorggugávttehas Niillas Holmberg goargŋui Mannerheim-bácci ala Kiasma bálddas. Báccis lea heaŋgán sámeleavga ja banderollat, mas ovttas lohká suoma- ja eaŋgasgillii iešmearridanriekti, sámerievttit ja Suohpanterror.

Suohpanterror
Govva: Anni Ahlakorpi

Video Yle Sámi Facebook-siiddus

Niillas Holmberg
Govva: Suohpanterror
 

Govat Suohpanterrora ja Greenpeace miellačájáhusas leavvagohte vuos sosiála medias.

Mediain áššis muitalii sámegillii vuosttamužžan Sohkaršohkka ja suomagillii Ilta-Sanomat-aviisa.

Greenpeace ja Suohpanterror protesterejedje Sipilä politihka vuostá

Proteasta
"Stáhtaministtar Sipilä, ále beahte sápmelaččaid" Govva: Greenpeace
Ilta-Sanomat mielde boles lei báikki alde ja geahččit ledje moaddelogi.

Gurutbealenuoraid ságadoalli Anni Ahlakorpi čuovui miellačájáhusa Helssegis.

Niillas Holmberg ja guokte Greenpeace-aktivistta gorgŋo bácci ala. Dát lea guovddášbáiki ja oalle olu olbmot bisánedje, válde govaid ja fitne jearramin mas lea gažaldat. Bolesat eai geahččalan bissehit doaimmaid, muitalii Ahlakorpi báikki alde Sohkaršohkkii.

Greenpeace dieđihii eahkes eaŋgas- ja suomagillii, ahte Mannerheim gárvvuhuvvui sámeleavggain proteastan Juha Sipilä ráđđehusa árktalaš ja sámepolitihkii.

Proteasta cuiggoduvvui

Proteasta lea maid cuiggoduvvon. Muhtin olbmot báikki alde ja muhtin sámit sosiála medias cuiggodedje dan, ahte Suohpanterror goargŋui suopmelaččaide measta bassi Mannerheim-bácci ala.

Mannerheim lei earret eará Suoma dásseválddi guđát presideanta jagiin 1944–1946, Suoma maršálka ja okta iehčanas Suoma historjjá guovddášolbmuin.

Anni Ahlakorpi bealuštii protesterema bácci alde.

– Jiena lea váttis oažžut gullosii beare cealkámušaid čállimiin. Dát proteasta Helssega guovddážis sihkkarit oažžu fuomášumi ja báikki alde ledje doaimmaheaddjit earret eará Helsingin Sanomat- ja Voima-aviissain, Ahlakorpi muitala.

Suohpanterror mielde Kiasma čájáhusas mii rahpasa ihttin

Suohpanterror lea mielde Kiasma čájáhusas Sierra oaivilis, mii rahpasa ihttin bearjadaga.

Suohpanterrora Jenni Laiti hállá Kiasmas bearjadaga diibmu 16–17.

MTV: Aktivistit iskivät: Mannerheimin harteille Saamen lippu

HS: Saamelaiset valtasivat Mannerheimin patsaan  (video)

Varrasamosat: Sápmi

Váldoođđasat

Varrasamosat

Muualla Yle.fi:ssä