Sápmi |

Suoma áidna sámemusihka almmustahtti skearrofitnodat deavdá 10 jagi

Skearrofitnodat Tuupa Records deavdá 10 jagi. Tuupa Records lea aidná skearrofitnodat, mii almmustahtá sámemusihka jeavddalaččat.

Jussi Isokoski
Tuupa Records vuođđudeaddji Jussi Isokoski muitala, ahte sámemusihkas lea erenoamáš sadji su váimmus. Govva: Vesa Toppari / Yle Sápmi

Suoma áidna sámemusihka jeavddalaččat almmustahtti skearrofitnodat deavdá 10 jagi. Tuupa Records ávvuda logi jagi stuorra konsearttain Ijahis idja -festiválas lávvardaga.

Lávddi alde lea Tuupa Records iežas čuojahanjoavku, man solisttat leat fitnodaga bokte skearruid almmustahtán sámeartisttat Ailu Valle, Amoc, Tiina Sanila-Aikio, SomBy, Niillas Holmberg, Ulla Pirttijärvi-Länsman.

"Bargat dán go ráhkistit sámemusihka"

Tuupa Records vuođđudeaddji lea anáraš Jussi Isokoski Raahes. Son muitala, ahte skearrobuvttademiin ii ealit fitnodaga ja danin son lea viiddidan firpmás earet eará konsearttaid ja dilálašvuođaid teknihkalaš buvttadeapmái, muhto ahte sámemusihkas lea erenoamáš sadji su váimmus.

- Mis leamašan fiinna reaissut vaikke Niillas Holmbergiin ja Roope Mäenpääin Islándii álbmotmusihkkafestiválaide. Mii bargat dán daningo mii ráhkistit sámemusihka. Dát bargu lea dolvon min hui erenoamáš báikkiide dego issoras stuorra eurohpalaš festiválaide čuojaheamen logiidduháhiidda olbmuide ja de nuppe dáfus doallat ovdamearkka dihte priváhtakonsertii Suoma dásseválddi presidentii goađis. Dát leamašan somás eallindáhpi ja hui somá, Isokoski muittaša.

Varrasamosat: Sápmi

Váldoođđasat

Varrasamosat

Muualla Yle.fi:ssä