Sápmi |

Suoma beale Sámis gávdnon vuosttas diamánta

Geađgi gávdnui Vuohču davábealde borgemánus 2018. Dan leat dál sihkkarastán diamántan Duiskkas.

Tankavaaran portti.
Geađgi gávdnui Tankavaara golleguovllus. Tankavaara gollegilli lea Vuohču davábealde. Govva: Tankavaaran Kultakylä.

Suoma beale Sámis lea gávdnon buot áiggiid vuosttas diamánta. Diamánta gávdnui golledoidima oktavuođas Soađegili Vuohču gili davábealde Tankavaaras borgemánus 2018.

Diamántta gávnnai duiskalaš geologa Kasper von Wuthenau guovtti duiskalaš gollerávddi golledoidinbáikkis. Gollerávddiguovttos leigga ohcan golli seamma guovllus moadde beaivvi.

Geađggi čađamihttu lea sullii 0,7 millimehtera. Dan sihkkaraste diamántan Hamburg universitehta dutkamušain ja Mineraloga instituhta spektromihtidemiin.

Von Wuthenau muitala, ahte Davvi-Suomas eai leat ovdal gávdnon diamánttat. Son lea dutkan Davvi-Suoma golleguovlluid 30 jagi.

Suoma beale Sámis leat gal árat gávdnon eará hearvageađggit, earret eará rubiinnat ja safiirat. Dain stuorámus oassi leat gávdnon Leammi álbmotmeahci gollerogganguovllus Anáris.

Varrasamosat: Sápmi

Váldoođđasat

Varrasamosat

Muualla Yle.fi:ssä