Sápmi |

Suoma kulturfoanddas vádjit 200 000 euro sámedáidagii ja -dutkamuššii

Stuorámus Sápmái laktáseaddji veahkkeruđa Suoma kulturfoanddas oažžu Anarâškielâ servi Čuođi čálli anárašgillii -prošeavtta ollašuhttimii.

Suoma kulturruhtarádjosa logo
Suoma kulturfoanda juohká 24 miljon euro ovddas veahkkeruđaid guovvamánu loahpas. Govva: SKR

Suoma kulturfoanda lea almmustahttán jagi 2020 veahkkeruđaid oažžuid. Suoma kulturfoanda juohká veahkkeruđaid diehtagii ja dáidagii 24 miljon euro ovddas oktiibuot 1 065 ohccái.

Suoma kulturfoanda juohká veahkkeruđaid jahkedoaluin 27.2.2020.

Sápmái dahje Sámi fáttaide laktáseaddji dáidagii ja diehtagii juolluduvvon kulturveahkkeruđaid ožžo oktiibuot 7 ohcci.

Buot veahkkeruđaid oažžuid sáhtát ohcat Suoma kulturfoandda neahttasiiddus.

Suoma kulturfoandda jagi 2020 veahkkeruđat Sápmái dahje Sámi fáttáide

Anarâškielâ servi ry, Čyeti čälled anarâškielân – Čuođi čálli anárašgillii -prošeavtta teavsttaid giellagáhtten- ja doaimmahanbargui, 90 000 €.

Kolttakulttuurisäätiö sr, Čeavetjávrri Dálvesiida-prošeavtta sadje- ja doaibmaplánii, 13 000 €.

Fil. magisttar Michelle Francett-Hermes, sápmelaččaid ja sápmelaš dieđu integrerema vuođđooahpahusa oahpaheaddjiskuvlejupmái gieđahalli nákkosgirjebargui, Yksityiskoulujen eläkekassa foanddas 27 000 €.

Anára Sámisearvi ry, Ijahis idja 2020 -eamiálbmogiid musihkkafestivála ordnemii, M.S. Elomaa foanddas 15 000 €.

Multidáiddárat Heidi Juliana Gauriloff ja Niki Rasmus, nuortalašgielat musihkkaskearru dáiddalaš bargui ja almmustahttingoluide, M. S. Elomaa foanddas 8 500 €.

Heahtá Musihkkabeaivvit -searvi, 51. Heahtá Musihkkabeivviid ordnemii, M.S Elomaa foanddas 20 000 €.

Sámi dáidaga doarjjasearvi, Skábmagovat-filbmafestivála maŋŋeanalyseremii ja ordnemii, 25 000 €.

Varrasamosat: Sápmi

Váldoođđasat

Varrasamosat

Muualla Yle.fi:ssä