Sápmi |

Suoma ráđđehus gopmánii

Maiddái ođđa sosiála- ja dearvvašvuođaođastus gopmánii.

Ministeriaitiossa, pääministeri Juha Sipilä (vas.), valtiovarainministeri Petteri Orpo ja eurooppa-, kulttuuri- ja urheiluministeri Sampo Terho eduskunnan suullisella kyselytunnilla Helsingissä 14. helmikuuta.
Stáhtaministar Juha Sipilä (gurut rávddas) áigu gomihit olles ráđđehusa. Govva: Vesa Moilanen / Lehtikuva

Suoma stáhtaministtar Juha Sipilä dáhtui dásseválddi presideanta Sauli Niinistös Suoma ráđđehusa earráneami otne bearjadaga presideantta orrunbáikkis Mäntyniemis diibmu 10:00.

Presideanta Sauli Niinistö mieđihii ráđđehussii earu, muhto bivddii ahte dálá ráđđehus joatkká virgeministeriijajoavkun dán baji lohppii. Dat dárkkuha dan, ahte ráđđehusas ii leat parlamentáralaš luohttámuš, iige ráđđehus álggat ođđa politihkálaš doaimmaid. Riikkabeaiválggat leat cuoŋománu 14. beaivve.

Geahča Yle Uutiset njuolggosáddaga áššis Yle Areenas.

Eanangoddelágaid válmmaštallan gomihii sode-ođastusa

Yle dieđuid mielde Suoma vuođđoláhkaválljagoddi lea mearridan heaittihit eanagoddelágaid válmmaštallama, ja dan geažil maid sosiála- ja dearvvašvuođaođastus gopmánii.

Ráđđehus álggahii sode-ođastusa juo álgoálggus jagis 2006 . Eanangodde- ja sode-ođastus meidnii gomihit ráđđehusa juo jagis 2017.

Artihkal beaiváduvvon dii 10:53: Lasihuvvon diehtu ahte presideanta Sauli Niinistö lea mieđihan ráđđehussii earu, ja ráđđehus lea dál gopmánan.

Varrasamosat: Sápmi

Váldoođđasat

Varrasamosat

Muualla Yle.fi:ssä