Sápmi |

Suoma sámediggige sirdašuvvá Pride-áigái

Suoma Sámediggi sádde vuosttas geardde virggálaš ovddasteaddji seksuála- ja sohkabeallevehádagaid Pride-dáhpáhussii. Norgga ja Ruoŧa sámedikkit leat jo máŋga jagi virggálaččat oassálastán Pride-dáhpáhusaide miehtá Norgga ja Ruoŧa.

Anna Morottaja
Suoma sámedikki stivrralahtttu Anna Morottaja vuolgá dán jagáš Sápmi Pridei -dáhpáhussii, mii lágiduvvo Kárášjogas boahtte vahkoloahpa. Govva: Vesa Toppari / Yle

Suoma Sámediggi sádde vuosttas geardde virggálaš ovddasteaddji seksuála- ja sohkabeallevehádagaid Pride-dáhpáhussii.

Suoma sámedikki stivrralahtttu Anna Morottaja vuolgá sámedikki ovddasteaddjin dán jagáš Sápmi Pridei -dáhpáhussii, mii lágiduvvo Kárášjogas boahtte vahkoloahpa.

Norgga ja Ruoŧa sámedikkit leat jo máŋga jagi virggálaččat oassálastán Pride-dáhpáhusaide miehtá Norgga ja Ruoŧa.

Morottaja ovddasta ieš seksuálavehádaga ja son vuolgáge doalvut Suoma sámedikki dearvvuođaid dáhpáhussii. 

– Mu mielas dát addá dakkár gova sámi álbmogii, ahte Suoma sámediggi ovddasta – ii dušše heteroid muhto – buot sápmelaččaid, lea dus makkár beare seksuála duogaš, Morottaja dadjá.

Kárášjoga Sápmi Pride -dáhpáhusa prográmmas leat earret eará dáiddačájáhusat, sáhkavuorut, deaivvadeamit, sámi stylista-sminkenartista Erland Elias sminkenbargobadji, Queersámit-searvvi ja Erland Elias oktasaš mohtačájáhus sihke Maxida Märak eahketkonsearta.

Varrasamosat: Sápmi

Váldoođđasat

Varrasamosat

Muualla Yle.fi:ssä