Sápmi |

Taike čeäppõstuåimmkååʹddin pueʹrr säʹmmlai eeʹttkâʹsttem – "Iʹlla ouddâl leämmaž nääiʹt jiânnai säʹmmla mieʹldd"

Iiʹjji 2019-2020 valdia čeäppõstuåimmkååʹddin lie eeʹttkâʹsteʹmmen Katja Gauriloff, Pauliina Feodoroff, Anna Näkkäläjärvi-Länsman, Tanja Sanila di Jouni S. Laiti.

Katja Gauriloff, Pauliina Feodoorff, Tanja Sanila, Jouni S. Laiti ja Anna Näkkäläjärvi-Länsman toimivat vuosina 2019.2020.
Katja Gauriloff, Pauliina Feodoroff, Anna Näkkäläjärvi-Länsman, Tanja Sanila di Jouni S. Laiti lie eeʹjjin 2019-2020 mieʹrreʹmmen Taike veäʹǩǩtieʹǧǧin jeeʹrenallšem tuåimmkååʹddin. Govva: Kuvamanipulaatio / Yle

Čeäppõõzz ooudâsviiikkâmkõõskõõzz leʹbe Taike (lä. Taiteen edistämiskeskus) lij valljääm ođđ eeʹttkâʹsttem čeäppõstuåimikooʹddid iiʹjjid 2019-2020.

Čiččâm valdia čeäppõstuåimmkooʹddin alttâd puõʹtti eeʹjj aalǥâst õhttsa 74 ođđ äʹšštobddivuäzzla. Še vouddlaž tuåimmkååʹdd lie 13 da tõin lie še säʹmmlai eeʹttkâʹsttem.

Valdia čeääppõstuåimmkooʹddi säʹmmlaž vuäzzla 2019-2020

Čeäppõssuåvtõõzz da čeäppõstuåimmkååʹdd lie Taike äʹšštobddituåim. Tuåimmkååʹdd mieʹrree õhttsaž čeäppniiʹǩǩid da õhttõõzzid miõttumnalla leʹddi veäʹǩǩtieʹǧǧin da ciistin. Tuåimmkååʹdd jueʹjje veäʹǩǩtieʹǧǧid õhttsa 21,7 miljon euʹrred eeʹǩǩtääʹzzest.

Čeʹvetjäuʹrrneǩ čeäppõõzzi maister Tanja Sanila tuåimm arkkitehtuur- da häämmemtuåimmkååʹddest.

Audiovisuaallaž čeäppõõzzi tuåimmkååʹddest tuåimm fiʹlmmohjjeei Katja Gauriloff.

Musikkneǩ Anna Näkkäläjärvi-Länsman tuåimm musikktuåimmkååʹddest.

Teatterčäppneǩ Pauliina Feodoroff valljeeš čeäppõõzz määŋgbieʹllsažvuõđ tuåimmkådda.

Siʹjji lââʹzzen Jouni S. Laiti tuåimm Lappi vuuʹd čeäppõstuåimmkooʹddest.

Feodoroff: Ǩeäk lie vuäǯǯam tuåimmtieʹǧǧid, seʹst lij puerab poʹdd išttâd jueʹjjeʹmmen tieʹǧǧid õõutårra

Čeäppõõzz määŋgbieʹllsažvuõđ tuåimmkååʹddest leʹddi Pauliina Feodoroff vuäǯǯai jiõčč Kone foondâst teimma jõnn veäʹǩǩtieʹǧǧ da tuåimm jiijjâs tuâjai lââʹzzen tuåimmkooʹddin.

Feodoroff rämmaš, ko puõʹtti iiʹjjin lie tuåimmkååʹddin puârast še säʹmmla mieʹrreʹmmen čeäppõõzz tuärjjtieʹǧǧin.

– Iʹlla ouddâl leämmaž nääiʹt jiânnai säʹmmla mieʹldd da tõt lij sami jõnn obbvuõtt, mõõnnalla tieʹǧǧid pueʹttet jueʹǩǩed, särnn Feodoroff.

– Tät lij nuʹt leämmaž ärbb Lääʹddjânnmest, što sij ǩeäk lie jiijj vuäǯǯam tuåimmtieʹǧǧid, nuʹt seʹst lij puerab poʹdd išttâd tuåimmkooʹddin, ko seʹst ǩeäst feʹrttai ooccâd mieʹrrtieʹǧǧid, mušttal Feodoroff.

Varrasamosat: Sápmi

Váldoođđasat

Varrasamosat

Muualla Yle.fi:ssä