Koe uusi yle.fi
Sápmi |

Taike lea juohkán veahkkeruđaid ja doarjagiid máŋggakultuvrralašvuođa ovddideapmái ja rasismma eastadeapmái

Dáidaga ovddidanguovddaš Taike ja dáidaga máŋggabealatvuođa ja lihkatvuođa doaibmagoddi dorjot máŋggakultuvrralašvuođa ja doibmiid rasismma vuostá. Veahkkeruđaid juolludedje oktiibuot 765 000 euro.

paulat vuoddagat ohcejohka utsjoki
Govva: Linda Tammela / Yle

Veahkkeruđaid ja doarjagiid leat juolludan dáidda- ja kulturprošeaktaide, mat ovddidit máŋggakultuvrralašvuođa ja kultuvrraid gaskasaš oktavuođaid. Veahkkeruđain maid nannet sisafárrejeaddjiid ja etnalaš vehádagaide gullevaš dáiddáriid vejolašvuođaid doaibmat dáiddárin ja oassálastit dásseárvosaččat Suoma dáiddaeallimii.

Oktiibuot 48 dáiddára dahje bargojoavkku ožžo veahkkeruđaid. Veahkkeruđaid juolludit 124 000 euro ovddas. Doarjagiid dat juolludii oktiibuot 641 000 euro.

Sámeáššiide laktaseaddji prošeavttaide juolluduvvo oktiibuot 7 000 euro. Earenoamašdoarjagiid fas 8 500 euro.

Veahkkeruđat:

Anttonen Kaija, Anár, 2 000 €, Sápmelaš nuoraidromána ollašuhttimii suomagillii

Näkkäläjärvi-Länsman Anna, Ohcejohka, 3 000 €, Bargojovkui sámemusihkkavideo ollašuhttimii

Roos Anna Katariina, Anár, 2 000 €, Dáiddaprošeavtta ollašuhttimii. Prošeavttas ovddidit máŋggabealatvuođa ja rasismma vuostásaš barggu Anára girkosiiddas.

Earenoamašdoarjagat:

Anára Sámisearvi rs, Anár, 4 000 €, Ijahis idja 2017 -eamiálbmogiid musihkkafestivála ordnemii

Lukukeskus - Läscentrum rs, Helsset, 4 500 €, Sápmelaš girječálliid Suomi100 -ávvujagi turneagoluide

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä