Säämi |

Tave-eennâmlâš Säämi kielâpalhâšume Kollekielâ juáhhoo čohčuv 2016

Tave-eennâmlâš säämi kielâpalhâšume Kollekielâ juáhhoo niäljád keerdi čohčuv 2016 sämiaašijn västideijee ministerij ja sämitigij saavâjođetteijei teivâdmist Tukholmast skammâmáánust.

Gollegiella vuoitit.
Govva: A-M Ahlén/SVT Sápmi

Tave-eennâmlâš Säämi kielâpalhâšume Kollekielâ juáhhoo čohčuv 2016.

Palhâšume láá vuáđudâm Taažâ, Suomâ ja Ruotâ sämiaašijn västideijee ministereh oovtâst tai enâmij sämitigij saavâjođetteijeiguin. Palhâšume stuárudâh lii 15 000 eurod.

Kielâpalhâšume ulme

Kielâpalhâšume ulmen lii vaiguttiđ sämikielâ nannoodmân, ovdeedmân já siäilutmân Taažâst, Ruotâst, Suomâst já Ruošâst.

Kielâpalhâšume mieđettuvvoo ovtâskâsulmuid (meid juávkku) tâi siärváduvváid (meid servi, lájádâs) moh láá mávsulávt toimâm merhâšittee vuovvijn sämikielâ nannoodmân, ovdeedmân já siäilutmân. Palhâšume puáhtá mieđettiđ om. kirjálâš, njálmálâš tâi eres áánsui vuáđuld, moh vaigutteh eromâš viijđáht jieškote-uv siärvádâhsuorgijd.

Palhâšume puáhtá jyehiđ meiddei maaŋgâ vyeittee kooskân.

Almoot jieijâd iävtukkâs!

Ovtâskâsolmooš, juávkku tâi siärvádâh Taažâst, Ruotâst, Suomâst já Ruošâst puáhtá iävtuttiđ vyeittee ive 2016 palhâšumán.

Iävtuttâsâid palhâšume vyeittest já enâmustáá 1-2 sijđo kukkosâš kirjálâš vuáđuštâlmijd kalga toimâttiđ majemustáá 25. porgemáánu 2016 čujottâsân gollegiella@sametinget.se, Gollegiella, Sámediggi, Box 90, SE-981 22 Giron/Kiruna Sverige.

Varrasamosat: Säämi

Váldoođđasat

Varrasamosat

Muualla Yle.fi:ssä