Säämi |

Tervaniemi peerâ uážžu jyehi peeivi puurrâđ vorâs känimoonijd – infrapunalaampuh lieggejeh kaanijd tälviv

Kaanijn uáppá jyehi peeivi maidnii. Kaanijd lii hitruu keččâđ já meiddei párnááh lijkkojeh toid.

Video: Henna Tervaniemi tipšo nieidâinis käničivgâ.
Video
Tervaniemi perrust láá 12 käničivgâd. Video: Yle Areena

Anarist láá maaŋgâs álgám toollâđ kaanijd paihijnis.

Ohtâ lii Tervaniemi peerâ. Sist láá lam käänih sullân ive. Tääl sist láá käniääiđist käävci käännid, ohtâ oreskääni já 12 uđâgâžžâd, ohtsis paijeel 20 käännid. Kyehti kääni láppojii, iäge tieđe kuus.

– Sáttá leđe riemnjis teikkâ oppuu váldám, arvâl enni Henna Tervaniemi.

Jyehi peeivi uáppá uđđâ aašijd

Vorâs moonij lasseen kaanijd lii hitruu keččâđ já meid párnááh lijkkojeh toid. Kaanij toollâm meid ooppâd uđđâ aašijd.

– Jieht oppim, et čiivgah čääŋih jyehi sajan já kalga huolâttiđ, et iä lah tagareh pääihih kost pyehtih lammâšuđ, iätá Tervaniemi.

Meid tom sij láá oppâm, et Ij lah pyeri toollâđ maŋgâ oreskääni siämmáá táálust.

Käänih uážžuh leđe luovâs šiljoost já maneh talle ehidist páikkásis

Pyeremus äšši känihommáást lii keččâđ taid. Hyenemus et paškeh jyehi sajan. Käänih pyehtih leđe šiljoost luovâs, mut kalga suojâliđ šaddoenâmijd, toid toh pilledeh.

– Taid lii hitruu keččâđ já meid párnááh uážžuh puđâldiđ taigin, illood Henna Tervaniemi.

Tälviv käänih piergejeh pyereest, mut mottoomlágán liegâdâmruustig kalga leđe. Ohtâ taggaar raavâ lii, et jos čääsi ij jiäŋu, te talle lii tuárvi liegâs känitáálust.

– Mist láá kyehti infrapunalaampu, moh lieggejeh, tot pijsáá, muštâl Tervaniemi.

Kuldâl täst ubâ känimainâs.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä