Sää´mjânnam |

Tiina Sanila-Aikio lij sääʹmteeʹǧǧ ođđ saaǥǥjååʹđteei

Tiina Sanila-Aikio (š. 1983) lij vaʹlljuum Lääʹddjânnam sääʹmteeʹǧǧ ođđ saaǥǥjååʹđteejen. Sääʹmteeʹǧǧ sååbbar jiõnstumuužžâst Sanila-Aikio vuäǯǯai 12 jiõnned da aanrõš Yrjö Musta 8 jiõnned. Vaalin ouddeš 20 jiõnned.

Tiina Sanila-Aikio válljema maŋŋá 28.3.2015
Govva: Pirita Näkkäläjärvi / Yle

Sääʹmteeʹǧǧ sååbbar vaʹlljii sueʹvet ođđ saaǥǥjååʹđteei veeʹrjest räʹtkkjam Klemetti Näkkäläjärvi sâjja.

Sääʹmteeʹǧǧ vuässlaž Ilmari Tapiola eʹtǩǩii saaǥǥjååʹđteejen nuõrttsäʹmmlaž Tiina Sanila-Aikio Anne Nuorgam tuäʹrrjõõžžin. Vuässlaž Anu Avaskari eʹtǩǩii saaǥǥjååʹđteejen aanrõš Yrjö Musta.

Jiõnstumuužžâst Tiina Sanila-Aikio vuäǯǯai 12 jiõnned da Yrjö Musta 8 jiõnned.

Sanila-Aikio čieʹlǩi sååbbrest, što ođđ saaǥǥjååđteeʹjest lie jõnn vaǯǯtõõzz ooudâst, jeärben tõn diõtt, ko

Lääʹddjânnam sääʹmteeʹǧǧest lij äʹlǧǧmen saaʹmi parlamentaarlaž suåvtõõzz saaǥǥtuõʹlljeeivuõtt tän ǩeäđđa.

Sanila-Aikio sâjja vuõssmõs vääʹrrsaaǥǥtuõʹlljeejen vaʹlljeeš ouddlõs nuuʹbb vääʹrrsaaǥǥtuõʹlljeei Heikki Paltto. Nuuʹbb vääʹrrsaaǥǥtuõʹlljeejen vaʹlljeeš õõutmiõllsânji Ulla-Maarit Magga Enontekiöst.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä