Sápmi |

Trump attii lobi digaštallojuvvon Davvi-Dakota oljobohccái

USA ovddeš presideanta Barack Obama gaskalduhtii guovtti oljobohcci huksenbargguid moadde jagi dassái birassivaid dihte. Amerihká eamiálbmogat vuostálaste nubbi oljobohcci johtima sin reserváhta čađa Davvi-Dakotas.

Yli 700 ihmistä kokoontui 7. joulukuuta 2016 vastustamaan öljy-putken rakentamista intiaanireservaatin vesilähteen alapuolelle Pohjois-Dakotassa.
Badjel 700 olbmo čoahkkanii 7.12.2016 vuostálastit oljobohcci huksema indiánareserváhta lahkosii Davvi-Dakotas. Govva: Michael Nigro / AOP

USA ođđa presideanta Donald Trump lea addán lobi joatkit digaštallojuvvon oljobohcciid huksema. Trump muitalii goittotge seammás, ahte miljárddaid dolláriid prošeavtta hukseneavttuid bohtet ráđđádallat ođđasit.

– Jos loahppaboađus lea min miela mielde, oljobohcciid sáhttit hukset. Dát dárkkuha stuorra meari huksensuorggi bargosajiid, juobe 28 000 bargosaji, dajai válgakampánjjas áigge amerihkálaččaide barggu lohpidan Trump.

Presideanta vuolláičálii disdaga ásahusa, mas gáibidit ahte oljobohcciin geavahuvvo ruovttueatnamis dahkkon stálli, muhto ásahusas ii muitaluvvo mo mearrádusa áigot gohccit.

Keystone XL ja Dakota Acces –bohcciid bokte lea dárkkuhus buktit oljju Kanadas USAi Meksikoluovtta gáddái, gos olju ovddosdikšojuvvo.

Ollugat vuostálastán bohcci

USA ovddit presideanta Barack Obama gaskalduhtii oljobohcci huksenbargguid loahppajagis 2015 birassivaid dihte.

Dakota Acces –oljobohcci livččii johtán Sioux-indiánaid eatnamiid lahkosiin Davvi-Dakotas. Eamiálbmogat protesterejedje mánotbajiid oljobohcci vuostá, danin go sii oidne ahte oljobohcci vahágahtášii sin bassi hávdebáikkiid.

Indiánat balle bohcci maiddái nuoskidit Standing Rock –reserváhta juhkančáži, danin go bohcci livččii johtán Oahe –jávrri vuoli.

Mannán jagi juovlamánus mielačájeheaddjit ožžo gaskaboddosaš vuoitu, go bohccefierpmádaga kárten USA soahtefámuid inšenevrrat mearridedje smiehttat bohccái nuppi geinnodaga.

Maiddái birassearvvit leat vuostálastán garrasit oljobohcciid huksema, danin go sii oidnet ahte vejolaš golgamat vahágahttet luonddu.

Varrasamosat: Sápmi

Váldoođđasat

Varrasamosat

Muualla Yle.fi:ssä