Säämi |

Tuupa Records huksiimin uđđâ studio - sämimuusik almostuvá meid taan ive peln

Ulmen lii, ete uđđâ studiost pasteh pyevtittiđ meid videoid, mut sämimuusik še lii tehálii uásist puátteevuođâst. – Muáddi uđđâ skiäru adelep olgos taan ive peln, Jussi Isokoski muštâl.

Tuupa Records toimâttâshovdâ Jussi Isokoski.
Jussi Isokoski lii Tuupa Records omâsteijee já toimâttâshovdâ. Govva: Eljas Niskanen / Yle

Tuupa Records –skiärruseervâs lii huksiiškuáttám uđđâ studio. Tast šadda tommittáá styeres, ete fiirmâ kálvudâh čááhá toho pyereest.

– Mij kaavnâim moonnâm kiiđâ peln taggaar stuorrâ industriahaali. Tääl lep finnim kálvuduv taggaar oornigân, ete tot čááhá toho já halli tuáimá logistiikkuávdážin. Sajehân tobbeen lii ennuv, te mijba meridijm talle huksiiškyettiđ toho meid studio, Isokoski muštâl.

Ulmen lii, ete uđđâ studiost pyevtitteh meid videoid já eres kovematerial. Tanen oovtâ visteest láá meid ruánáá seeinih.

– Tyehiseini já sijđoseeinih máálájuvvojeh ruánáá ivnijn, te kove tuávváá puáhtá maŋeláá kieđâvuššâđ veikkâ magarin, Isokoski čielgee.

Uđđâ skiäruh Ailu Vallest já Amocist – vuossâmuš skiärru Irdonist

Isokoski muštâl, ete áiguh kevttiđ navcâidis kuvvimpargoid eenâb ko ovdil, mut muusikpyevtittem ij lah päcimin kuittâg mahten sijđouásán.

– Somby skiärruhân mist almostui eidu já tääl Irdon-juávhust lii vuossâmuš skiärru pargo vyelni. Ailu Valle já Amoc skiäruid še almostittep taan ive peln.

Ailu Valle uđđâ skiärru sáttá almostuđ jo aaibâs forgâpalij.

– Ko muáddi ääši čielgih, te pyehtip talle muštâliđ täärhib almostittem äigitavlu, Isokoski iätá.

Varrasamosat: Säämi

Váldoođđasat

Varrasamosat

Muualla Yle.fi:ssä