Säämi |

Uđđâ proojeekt lasseet sämipárnái digimateriaal – 125 500 euroin šaddeh jienâkirjeh, lyevdi- já mobil-speelah

Párnáimateriaal-proojeekt lii áinookiärdásâš já pištá ihepele.

Jietna: Projektityöntekijä Petra Kuuva.
Jietna
Šoddâdemtiettui maister Petra Kuuva lii algâttâm párnáimateriaalhaavâ vuávájeijen 2.1.2019. Kuldâl Kuuva jurduid pargoost.

Sämitiggeest lii álgám uđđâ párnáimateriaalhaahâ, mon vuávájeijen Petra Kuuva algâttij ive aalgâst. Máttááttâs- já kulttuurministeriö lii mieđettâm Sämitiigán 125 500 euro stuárusii hahâtorjuu.

Petra Kuuvast lii kuhes pedagogisâš tuávâš. Sun lii kuhháá lamaš máttáátteijen ja meid kielâpiervâlist pargoost. Sun uáiná, et tääl ličij tárbu sämikielâlâš mobilspeelân, lyevdispeelân já jienâkiirjijd. Juurdân lii rähtiđ materiaal vuálá škovlâahasijd.

– Kielâäšši lii tot ruopsisläigi. Máttáátteijeepargoost lii ennuv iše taan uđđâ paargon, Kuuva iätá.

Tääl sun tiätá, maggaar materiaal párnááh tarbâšeh ovdil škoovlân puáttim.

Párnááh jieijah tietih pyeremustáá magareh speelah sii kiäsutteh. Tast lii stuorrâ hástu, mut Kuuva osko, et ij nuuvt syeres, et tom paijeel ij pesâččij. Speelah kalgeh leđe kuittâg tagareh, moh kiäsutteh já párnááh meid spellih taid.

Ihepele projektân ij lah jotkâ jurdâččum

Párnáimateriaal-proojeekt pištá ihepele, ige toos lah sundáttâllum jotkâ.

Vuálá škovlâahasij lasseen meid puáruttáid ličij tárbu rähtiđ speelâid já äigiájánâs. Vuosmuš já älkkeemus pargo lii täst aalgâst smiettâđ, maggaar jienâkiirjijd lii tárbu. Magarid kiirjijd ličij jiärmálumos jurgâliđ já luuhâđ sämikielân, puoh sämikieláid?

– Täst láá ennuv koččâmušah, lii-uv tast kielâ vâi kulttuur, vâi kuohtuuh oovdâst? Maht sämipárnáá maailm puátá tast uáinusân?, smiättá Kuuva.

Enâmus ruttâ lii värrejum mobil-spelláid

125 500 stuárusâš ruttâ juáhhoo kuulmâ uásán; jienâkirjijd, lyevdi- já mobil-spelláid.

Jienâkirjeh iä vááldi nuuvt ennuv ruuđâ, iäge lyevdispeelah, mut mobil-speelah láá toh moh väldih enâmus ruuđâ.

– Jis kávnoo jo miinii speelâid, veik jis kielâpiervâlist láá keksim tuáimee speelâ, te taathân tuálvu jo ennuv ovdâskulij, ko ij taarbâš aalgâ rääjist keksiđ, iätá Kuuva.

Varrasamosat: Säämi

Váldoođđasat

Varrasamosat

Muualla Yle.fi:ssä