Sápmi |

Unna Junná čavčča prográmmat álget vuossárgga

Dán čavčča Unna Junná -prográmmain oidnojit eallit, mánáid miellabuđaldeamit ja máŋggalágan čuojanasat.

Heli Huovinen
Heli lea gávdnan Siida-museas dáidaga, mii lea dahkkon luonddu ávdnasiin ja adnon diŋggain. Govva: Ritva Torikka / Yle

Unna Junná čakčabadji álgá Yle TV 2:žis boahtte vuossárgga. Vuosttas prográmmas Prográmmajođiheaddji Heli Huovinen "ráhtá taiđuu oonnum materiaalijn", son doalvu geahččiid Sámi musea Siidii geahččat dáiddačájáhusa, mas buot lea dahkkon geavahuvvon dahje luonddu ávdnasiin. Heli maiddái ieš movttiida dáiddabargui.

Huovinen lassin ođđa prográmmaid láidesteaba maid Irene Länsman ja Anna Lumikivi. Oassi prográmmain leat dakkárat, mat leat sáddejuvvon jo ovdal ja daid prográmmain oidnoba maid Sara Wesslin ja Niki Rasmus.

Aarni Riestola
Čoođačoolmag-ráiddus Aarni Riestola čájeha mii lea su miellahommá. Sáhttágoson dan oaidnit govas? Govva: Heli Huovinen / Yle

Jie'lli, Čoođâčoolmâg, Mii čuojanasaid?

Dán čavčča ođđa ráidduin leat Jie'lli-ráiddus mielde eallit, main leat iežaslágan ságat. Jie'lli-ráidu lea nuortalašgillii.

Bussá
Maidson dat bussá smiehtada? Dan oaidná čavčča vuosttas Unna Junná -programmas vuossárgga čakčamánu 10. beaivve. Govva: Irene Länsman / Yle
Anárašgielat Čoođačoolmag-ráiddu ođđa osiin mánát čájehit makkár buđaldemiide ja áššiide sii liikojit. Mii čuojanasaid -ráiddus leat mielde máŋggalágan miellagiddevaš čuojanasat. Čuojanas-ráidu lea davvisámegillii ja das lea láidesteaddjin Nicholas Francett.
Nicholas Francett
Mii čuojanasaidson Nicholasis lea čavčča vuosttas Unna Junná -programmas? Govva: Ritva Torikka / Yle

Prográmmain, mat bohtet nuppádassii lea mielde earet eará Hás mii álgit -nammasaš lávlun- ja stoahkanráidu, mas leaba láidesteaddjin Anna Näkkäläläjärvi-Länsman ja Heli Aikio ja sudnos leat mielde mánát. Ráiddus oidnojit davvisámegielat ja anárašgielat oasit. Nuppádassii sáddejuvvojit maid oasit nuortalašgielat Kaazzi jie’llem -ráiddus.

Unna Junná oidno vuossárggaid Yle TV 2:žis diibmu 8.30 ja nuppádassii sotnabeivviid Yle Teema/Femis diibmu 8.15.

Varrasamosat: Sápmi

Váldoođđasat

Varrasamosat

Muualla Yle.fi:ssä