Sápmi |

Unna Junná giđa prográmmain oahpásmuvvat guovžža váldegoddái ja oaidnit ođđa animašuvnnaid anáraš- ja nuortalašgillii

Unna Junná -mánáidprográmma oidnogoahtá njukčamánu 9. beaivve rájes juohke mánnodaga diibmu 8.35 Yle TV2 -kanálas ja Yle Areenas.

Taansâ kielâ -animaatio.
Janita Rantanen animašuvnnas Taansâ kielâ jietnaneavttárin leaba Laura Kangasniemi ja Elle Hautala. Govva: Unna Junná/ Yle

Sámegielat mánáidprográmmain bosodit ođđa biekkat, go dán giđa almmustuvvet áibbas ođđa ráiddut oahpes prográmmaid lassin.

Unna Junná oidnogoahtá mánnodat iđidiid njukčamánu 9. beaivve rájes diibmu 8.35 Yle TV2 -kanálas ja Yle Areenas. Prográmmalágideaddjin doibmet Niki Rasmus, Irene Länsman, Anna Lumikivi ja Heli Huovinen. Dát oasit leat govvejuvvon giđđat 2018.

Niki Rasmus.
Niki Rasmus ja olbmá guovttos Guhpol ja Gáhpol muitalit fearániid giđa Unna Junná -prográmmas. Govva: Ritva Torikka / Yle

Ođđa animašuvnnat anáraš- ja nuortalašgillii

Ovttasbargu Sámi oahpahusguovddáža medialinnjáin joatkašuvvá, go vuosttaš jagi oahppit leat vuohon ráhkadan ođđa animašuvnnaid Unna Junnái. Dán háve prográmma lea anáraš- ja nuortalašgillii. Animašuvnnain oaidnit sihke árbevirolaš ja áibbas ođđa máidnasiid.

Guovžža váldegottis ja Mumenvággi jorgaluvvon sámegillii

Guovžža váldegottis lea ođđalágán luondduprográmma mánáide. Prográmmas čuvvot meahcci oaivámučča nappo guovžža ja su olbmáid eallima iešguđet jagiáiggiin. Oasit leat anáraš-, nuortalaš- ja davvisámegillii.

Olles Guovžža váldegottis -ráidu boahtá oaidninláhkái Yle Areenai.

Suomagillii ráiddu lea álggos buvttadan Pikku Kakkonen ja dat lei jagis 2020 evttohassan Kultainen Venla -bálkkašupmái. Ráidu gilvalii buoremus mánáid- ja nuoraidprográmma gilvvus.

Kuobžâ
Govva: Pikku Kakkonen

Yle ja Gutsy Animations buvttadan Mumenvággi-ráiddu vuosttaš buvttadanbádji oidnogoahtá giđđat davvisámegillii. Cuoŋománu 13. beaivve rájes Mumenvággi oidnogoahtá tv:s Unna Junna prográmmabáikkis. Dat oidno juohke mánnodaga diibmu 8.25 Yle TV2 -kanálas ja Yle Areenas.

Boahtte čavčča Mumenvággi nubbi bádji almmustuvvá anáraš- ja nuortalašgilli.

Varrasamosat: Sápmi

Váldoođđasat

Varrasamosat

Muualla Yle.fi:ssä