Sápmi |

Unna Junná juovlakaleandar oidno juovlamánus Yle Areenas

Juovlakaleandaris oaidnit, mo Unna Junná ráhkkana juovllaide.

Unna Junná
Maidson Unna Junná sávvá juovlaskeaŋkan? Dan oainnát Unna Junná juovlakaleandaris. Govva: Heli Huovinen / Yle

Yle Sámi mánáidprográmma Unna Junná juovlakaleandar almmustahtto Yle Areenas dáid juovllaid.

Kaleandar sisttisdoallá 24 filmmaža, mat ihtet Yle Areenai juohke beaivve juovlamánu vuosttas beaivvi rájes gitta juovlaruohta rádjai.

Juovlakaleandaris oaidnit, mo smávva buoidagaš Unna Junná ráhkkana juovllaide iežas ruovttumeahcis. Juovlakaleandaris oahpásmuvvat maiddái Unna Junná ustibiidda ja gullat, makkár juovlalávlagiid Unna Junná lávlu. Beassat maiddái diehtit, maid Unna Junná sávvá buot eanemusat juovlaskeaŋkan.

Prográmma lea eanaš davvisámegillii, muhto das gullat maiddái anáraš- ja nuortalašgiela. Prográmmas leat suomagielat teavsttat.

Liŋkka Unna Junná juovlakaleandarii gávdná juovlamánu álggu rájes maiddái Yle Sámi neahttasiiddus.

Varrasamosat: Sápmi

Váldoođđasat

Varrasamosat

Muualla Yle.fi:ssä