Sápmi

Unna Junnás dán giđa maid NRK Mánáid-TV ođđa unnit mánáide oaivvilduvvon Binnabánnaš-ráidu

Sámegielat mánáidprográmma Unna Junná sáddenáigi rievdá dán giđđii. Giđa vuosttas prográmma sáddejuvvo boahtte vuossárgga.

Irene Länsman
Irene Länsman Govva: Ritva Torikka / Yle

Unna Junná sáddenáigi nuppástuvvá Yle tv2 –kanálas. Ođđa sáddenáigi lea vuossárgga diibmu 8.35. Seamma programma sáddejuvvo nuppádassii álo čuovvovaš sotnabeaivve Yle Fem -kanálas.

Vuosttas programma sáddejuvvo vuossárgga 20.2. diibmu 8.35 Yle tv2-kanálas.

Ođđa programmaláidesteaddji

Unna Junná dán giđđabaji oahpes programmajođiheaddjit leat Heli Huovinen, Irene Länsman ja Niki Rasmus.

Ođđa láidesteaddjin álggaha Anna Lumikivi.

Anna lea bargan sámemusihkain jo gitta mánnávuođa rájes. Son lea vázzán Sámi oahpahusguovddáža ja lea bargamen iežas mánáidmusihkkaskearruin.

Anna Lumikivi
Anna Lumikivi Govva: Yle

Binnabánnaš

Binnabánnaš lea NRK Sámi Mánáid-TV ođđa ráidu, mas Binnabánnaš buđáldallá iežas skihpáriin Ujjujuin ja seammás oahpaha mánáide ođđa sániid ja doahpagiid. Binnabánnáža sáhttet čuovvut sihke unnit ja stuorát mánát.

Binnabánnaš
Govva: NRK

Mánáid musihkka ja animašuvnnat

Unna Junnás oaidnit Ima mánážat-skearru musihkaid anáraš- ja nuortalašgillii. Lávlagat leat govviduvvon ja báddejuvvon Ima da Tiina päärnä ja Ima ja Heli pärnääh -konsearttas ođđajagimánu loahpa geahčen.

Giđa Unna Junná -programmain leat mielde maid Sámi oahpahusguovddáža medialinjá animašuvnnat ja Unna Junná iežas Säppli-Säplig-Sáhpán.

Hiirulainen
Govva: Yle

Mu gákti

Maŋŋelabbos giđđat, njukčamánu loahpas Unna Junnás álgá ráidu, mas sierra guovlluid mánát čájehit iežaset gávttiid ja muitalit maid sii jurddašit.

Unna Junná
Govva: Yle

Sáddenáiggit

Vuossárggaid diibmu 8.35 Yle tv2 -kanálas.

Nuppádassii čuovvovaš sotnabeaivve diibmu 8.15 Yle Fem -kanálas.

Programma lea Yle Areenas 30 beaivve sáddaga maŋŋá.

Varrasamosat: Sápmi

Váldoođđasat

Varrasamosat

Muualla Yle.fi:ssä