Sápmi |

Vaikko Tallinna tunnel ii ovdánivččii, Jiekŋameara ruovdegeaidnoplánaid eai áiggo hávdádit

Esttelaš ministtar áigu evttohit Estteeatnama geassádeami Tallinna tunnelfidnus. Tunnelfidnu jođiheaddji ii oainne dan gomihit tunnelfidnu, iige váikkuhit Jiekŋameara ruovdegeaidnoplánaide.

Kuvamanipulaatio. Toteutuessaan rata halkoisi yhteensä kuusi saamelaispaliskuntaa Sodankylän ja Inarin alueilla.
Finest Bay Area Development tunnelfidnu jođiheaddji Kustaa Valtonen oaidná Jiekŋameara ruovdegeaidnofidnu ain miellagiddevažžan, vaikko dat ii leatge ovdánan plánaid mielde. Govva: Vesa Toppari / Yle

Estteeatnama stáhtaopmodagas vástideaddji ministtar Jaak Aab ii hálit, ahte Estteeana vuolgá mielde Peter Vesterbacka geassin Finest Bay Area Development tunnelfidnui, mas huksejuvvošii tunnel Helssegis Tallinnai.

Jaak Aab muitala Ärileht-aviissa jearahallamis, ahte son áigu evttohit Estteeatnama ráđđehussii fidnus geassádeami. Su mielde tunnela sáhtášii hukset dušše Suoma ja Estteeatnama oktasašfidnuin.

Aab mielde Tallinna tunnelfidnus leat váilevašvuođat. Ministera mielde tunnelfidnu dorvvolašvuohta lea báhcán hui eahpečielggasin ja evttohuvvon mátkkošteaddji- ja gálvomeriid Aab oaidná menddo optimisttalažžan.

Finest Bay Area Development tunnelfidnu jođiheaddji Kustaa Valtonen ii máhttán vuordit esttelaš ministara evttohusa geassádit Tallinna tunnelfidnus. Tunnelfidnus muitalit, ahte sii leat doaimmahan viiddes čielggademiid fidnu dorvvolašvuođas ja gánnihahttivuođas Estteeatnama stáhtii.

Valtonen dadjá, ahte esttelaš ministara evttohus ii gomit Tallinna tunnelfidnu.

– Tallinna tunnelfidnu ii bisán. Lea dušše okta fidnu, man buot oassebealit háliidit oaidnit ollašuvvamen. Kommunikašuvdna ná stuorra fidnu birra lea olles áigge jođus ja dan mearri lea hui stuoris.

Jiekŋameara ruovdegeaidnu ii leat ovdánan áigetávvala mielde

Peter Vesterbacka lea árabut dadjan, ahte Jiekŋameara ruovdegeainnu lea váttis ákkastallat Tallinna tunnela haga.

Kustaa Valtonen oaivvilda, ahte guktot fidnut gal dorjot nubbi nuppi, muhto sii eai oainne, ahte fidnuid ollašuvvan livččii nubbi nuppis gitta.

Valtonen oaidnáge Jiekŋameara ruovdegeaidnofidnu ain hui miellagiddevažžan, vaikko dainna eai leat ovdánan plánejuvvon áigetávvala mielde.

– Eat leat dan geargan ovddidit dainna áigetávvaliin, mainna livččiimet háliidan. Dasa leat sivvan eará fidnuid áigetávvalat. Ságastallanoktavuohta sápmelaččaiguin ja geahččanguovlluid vuhtiiváldin leat dehálamos áššit, go Jiekŋameara ruovdegeaidnu boahtá áigeguovdilin.

Varrasamosat: Sápmi

Váldoođđasat

Varrasamosat

Muualla Yle.fi:ssä