Sápmi |

Válgalávdegoddi ásahuvvo jo dán jagi, ii easka 2018

Sámediggi merkii iežas doaibmaprográmmii bearjadaga, ahte válgalávdegoddi ásahuvvo jo dán jagi áigge iige easka jagis 2018. Čuovvovaš válggat leat jagis 2019.

Jouni Aikio
Evttohusa dahkan Sámedikki áirras Jouni Aikio lei lahttun válgalávdegottis, mii doaimmahii jagi 2015 sámediggeválggaid. Govva: Yle Sápmi

Sámedikki válgalávdegoddi ásahuvvo dán válgabajis árabut go dábálaččat, mearridii Sámediggi bearjadaga.

Doaibmaprográmmii lasihuvvon mihttomearrin livčče ásahit válgalávdegotti jo jagis 2016 iige easka 2018.

Haikonen evttohii áradeami

Sámedikki áirras Jouni "Haikonen" Aikio evttohii bearjadaga dievasčoahkkimis, ahte Sámediggi vállješii ođđa válgalávdegotti ja bijašii dan doaimma johtui jo ovdal dán jagi loahpa, iige easka sullii jagi ovdal čuovvovaš sámediggeválggaid, mat leat čuovvovaš háve jagis 2019.

– Válgalávdegottis lea nu olu bargu, ahte dat geargá dusse bargat dan hohpolaš ja bákkolaš áššiid, muhto eará dehálaš áššiide ii leat áigi, Aikio namuhii sivvan evttohussii.

Čujuhii iežas vásáhusaide válgalávdegottis

Jouni Aikio lei lahttun válgalávdegottis, mii doaimmahii jagi 2015 sámediggeválggaid.

Dát válgalávdegoddi válljejuvvui 27.6.2014.

Aikio čujuhiige iežas vásáhusaide válgalávdegotti barggus, go dagai evttohusa válgalávdegotti ásaheami áradeamis.

Áššis muitala Lapin Kansa Ságat.

Varrasamosat: Sápmi

Váldoođđasat

Varrasamosat

Muualla Yle.fi:ssä