Sápmi |

Vesterbacka ruovdegeaidnoplánat bohciidahtte garra ságastallama Twitteris – almmái ii goit áiggo rievdadit plánaidis

Peter Vesterbacka sávai ságastallama Jiekŋameara ruovdegeainnu huksemis, ja ságastallama son oaččui.

En man med allvarlig min står framför en vit vägg. Han är iklädd en röd munkjacka.
Peter Vesterbacka máhtii vuordit máhcahaga plánainis, muhto imaštallá, man roavvat dat lea. Govva: Lukas Rusk / Yle

Duorastaga almmustahttojuvvon ođđa plánat hukset Jiekŋameara ruovdegeainnu Roavvenjárggas Girkonjárgii priváhta ruhtademiin lea bohciidahttán sakka ságastallama.

Earret eará Sámediggi ja Nuortalaččaid giličoahkkin deattuhit, ahte eai dohkket Peter Vesterbacka ruovdegeaidnoplánaid.

Sápmelaččat leat cuiggodan áigumušaid garrasit maiddái sosiála medias, dego earret eará Twitteris. Vesterbacka kommenterii Ylei máhcahaga bearjadatiđit, jándor su plánaid almmustahttima maŋŋá.

– Doppe giitaledje, go adden muođuid sámekultuvrra duššamii. Gusto duššadin iđitbeaivve áigge ovtta nuortalaččaid gili ja sámemánáid boahtteáiggi boazodoallin, čoahkkáigeassá Vesterbacka.

Hirvasjanne Twitter Neetainari Twitter Marikor Twitter

Vesterbacka dadjá, ahte garrage vuostálastin ii váikkut su mearrádusaide.

– Mu mielas dat govvida dan, ahte buot áššit eai leat ovdal dikšojuvvon dievaslaččat. Mu mielas lea dehálaš guldalit ovdal go dahkat, dadjá Vesterbacka.

Twitteris goit cuiggoduvvui Vesterbacka vuohki almmuhit plánain ráđđádalakeahttá das sápmelaččaiguin.

Outilansman Twitter

Fitnodatalmmái lohká, ahte máhtii gal vuordit máhcahaga, danin go ášši bohciidahttá dovdduid. Áibbas ná garra oaiviliid son ii goit máhttán vuordit. Su mielas ságastallan lei hui čáhppesvielgat.

– Kánske dakkár badjelmeare negatiivvalašvuohta bođii vehá vuorddekeahttá, ahte maid beare dagat, de dat lea boastut. Pvesterbacka Twitter

– In leat hirpmástuvvan, muhto vehá sávašin jierpmi ságastallamii, ahte dat ii manaše áibbas ravddas nubbái baicce bissut duohtaáššiin ja duohtavuođas, dadjá Vesterbacka.

Deattuha ain ságastallama

Juo duorastaga, go Vesterbacka almmustahtii plánaidis, son deattuhii ášši olis ságastallama buot oassebeliiguin. Jándor maŋŋelabbos ságastallan lea álgán iige su oaidnu leat rievdan.

– Mu mielas dát muitala kánske áiddo das, ahte galgá ságastallat. Lean ain dan oaivilis, ahte galgá ságastallat ja ráđđádallat. Sihkkarit gávdnat čovdosiid ságastallama ja dialoga bokte, iihan dasa leat eará čoavddus.

Fitnodatalmmái háliida loktet ságastallamii maiddái dan, maid buori Jiekŋameara ruovdegeaidnu buvttášii. Su mielas dat sáhtášii lasihit Suoma, suopmelaččaid ja sápmelaččaid vejolašvuođaid, buresbirgejumi ja ekonomalaš doaibmavejolašvuođaid.

– Dat ii leat dušše negatiivvalaš. Danin ii galggaše ságastallamis mannat dasa, ahte leat čađaheamen muhtin álbmotgoddima dahje duššadeamen kultuvrra ja boahtteáiggi. Dat ii goittot leat dat ulbmil.

Vesterbacka fitnodat vuolláičálii duorastaga áigumušsoahpamuša norgalaš Mátta-Várjjaga ovddidanfitnodagain Jiekŋameara ruovdegeainnu plánemis ja ollašuhttimis. Ulbmilin sis lea hukset ruovdegeainnu Roavvenjárggas Norgga Girkonjárgii priváhta, olgoriikkalaš ruhtademiin.

Varrasamosat: Sápmi

Váldoođđasat

Varrasamosat

Muualla Yle.fi:ssä