Sää´mjânnam |

Viirrâm sueʹrv da miõut čiõʹǩǩe seʹstes saaʹmi jiõnid – Čeʹvetjääuʹr ođđ jiõnnmaaiʹlm šâdd säʹmmlai tuâllʼjõž da ânnʼjõž mainnsin di leeuʹdin

Ǩeässa Čeʹvetjääuʹrest jååʹđeeʹl kuulak nuõrttsäʹmmlai mainnâz kõskk mieʹcc viirrâm sueʹrvi da miõuti seʹst.

Tuuli Malla äänitaiteilija
Čeäʹppneǩ Tuula Malla raajji õõutâst nuõrttsäʹmmlaivuiʹm jiõnnraajjõõzz kõskk Čeʹvetjääuʹr mieʹcc. Govva: Kirsti Länsman / Yle
Sevettijärvi

Määddest viirrâm suärvva lij čiõkkum siõm šääiǥan. Šäiggnest kuulâk vuäʹmm leeuʹd, mõõn Katri Jefremoff lij leuʹddjam lieʹntte. Pirr Čeʹvetjääuʹr muʹzeipõõrt pirrõõzz kooll nuõrttsäʹmmlai maaiʹlm jiõn, nuʹt tuâllʼjõž ko ânnʼjõž še.

Čeʹvetjäuʹrrneǩ Heimo Semenoff isttlâʹstt sueʹrv ool da kulddâl.

–Tän sueʹrvest puätt miõʹlle ääkk vuäʹmm maainâs, koozz tieʹrmes lij čâʹcǩǩam, särnn Semenoff.

Heimo Semenoff luki mummonsa vanhan tarinan ukkosesta Sevettijärven ääni-installaatioon.
Heimo Semenooff ääkk maainâs lij kuullâmnalla Čeʹvetjääuʹr mieʹccest. Govva: Kirsti Länsman / Yle

Son lij õhtt tõin nuõrttsäʹmmlain Njeäʹllmest, Keväjääuʹrest da Čeʹvetjääuʹrest ǩeäid mainnsin čeäʹppneǩ Tuula Malla lij ââʹn raajjâm čeäʹppõõzz Čeʹvetjääuʹr meäcca.

Tän "jiõnn-installaatiost" nuõrttsäʹmmlai jiõn šäiʹǧǧe nuʹt viirrâm muõri di põõrti seʹst. Čeäʹppneǩ haalii što mainnâz vuäitt kuullâd jååʹđeel pirr mieʹcc.

Tällaisia kaiuttimia käytetään Sevettijärven ääni-installaatiossa.
Näkkam šäiggnin Čeʹvetjääuʹr mieʹcc mušttal nuõrttsäʹmmlai mainnsid da leuʹddjid. Govva: Kirsti Länsman / Yle

– Muʹnne leäi vääžnai, što täk mainnâz jie leäkku neellj seeiʹn seʹst, peʹce seämmast ko täid kulddâl vuäitt vueiʹnned vuäʹrrev, kuvddled looʹddid. Tõt, što ooumâž peäss jååʹtted tääiʹben, vueiʹnnes mooʹččes miõutid da kââmtam sueʹrvid, mušttal Tuula Malla raajjõõzzes pirr.

Čiõkkum mainnâz prääzniǩeeʹjj cistten

Šäiʹǧǧ -nõmmsaž jiõnnraajjõs lij raajjum Čeʹvetjääuʹr muʹzeipõõrt pirrõʹsse, kõskk siid. Čeʹvetjääuʹr sidiâst kâʹl lie ouddâl tuejjuum jeeʹresnallšem čeäʹppõsraajjõõzzid, leâša tät lij nåkkam mii lij siid oummid õõmâs.

Jiõnin haaʹleet nuõrttsäʹmmlaid reeʹǩǩes maainâsärbbvuõđ kuullâmnalla obb siʹjdde da rääijooʹttjid še.

Taiteilija Tuula Malla
Tuula Malla. Govva: Kirsti Länsman / Yle

– Oummu ǩeäin vuäitt leeʹd miõlǩiddsaž mainnâz, ij arggjieʹllmest šâdd mušttled tõid leʹbe leuddʹjed. Tät lij leämmaž nuõrttsäʹmmlaid nåkkam vuäittmõš mušttled da pukid vuäittmõš piâssad kuulâld mainnâz, mâiʹd ij takainalla kuulče, smeâtt Tuula Malla.

Video: Kaiuttimia kelohongissa.

Šäiʹǧǧ jiõnnraajjõs lij kuullâm- da vueiʹnemnalla ǩieʹssmannu 29. peeiʹv ääʹljeeʹl Čeʹvetjääuʹrest. Rääijååʹtti vueiʹtte naaušed čeäppõõzzâst obb ǩieʹzz ääiʹj 15.9.2019 räjja. Šäiǧǧ kooll še Keväjääuʹr, Njeäʼllem da Čeʹvetjääuʹr nuõrttsäʹmmlai 70-eeʹjj aazztemprääʹzniǩ prograaʹmme.

Mainstõõllja leäi fiinn ǩiõččlâsttmõš mainsted jiijj jieʹnnǩiõʹlle. Son tuâivv, što oummu kaaunče veâl sij jiõn kõskk siid.

– Ââʹnhan lij pueʹrr miõll, ko leäm vuäǯǯam tuejjeed täid. Ââʹn pâi vueʹrddet, što mäʹhtt âlgg mõõnnâd da oummu väʹldde vuâstta, smeâtt Semenoff.

– Kâʹl-han täk puârast väʹldde tõn, sij-han haalee kuullâd tõn nuõrttsääʹmǩiõl še.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä