Sápmi |

VILDÁ-duo skearru menestuvvá máilmmis – Válljejuvvui dán jagi top 10 -skearruid jovkui Stuorra-Britannias

Songlines-máilmmimusihkkabláđđi válljii Vildaluodda-skearru dán jagi ovccádin buoremus skearrun.

Vildá
Vildá-duo musihkkas árbevirolaš luohti ovttastuvvo suopmelaš álbmotmusihkkii ja pop-musihkkii. Govva: Vesa Toppari / Yle

Eŋlándalaš, árvvus ádnojuvvon máilmmimusihkkabláđđi Songlines válljii Vildaluodda-skearru dán jagi ovccádin buoremus skearrun. Vildaluodda lea VILDÁ-duo vuosttas skearru, mii almmustuvai mannan giđa.

VILDÁ-duoi gullaba ohcejohkalaš musihkkár Hildá Länsman ja Viivi Saarenkylä. Duo ovttastahttá árbevirolaš luođi, pop-musihkka ja suopmelaš álbmotmusihkka.

VILDÁ lea maid evttohassan Jagi ođđa artistan / joavkun Etnogálas, mii ordnejuvvo 9. beaivve ođđajagimánus. Etnogála lea álbmotmusihkka ja -dánssa ovddidanguovddáža ordnen gála.

Varrasamosat: Sápmi

Váldoođđasat

Varrasamosat

Muualla Yle.fi:ssä