Sápmi |

Vuoddji ja maŋŋebeaŋkkas čohkkán mánná jámiiga biilalihkohisvuođas Kakslauttanenis – ruošša persovdnabiila vujii suopmelaš poastatráilera njeaiga

Guovttis jápme ja golmmas lápmašuvve lihkohisvuođas.

Video: Kakslauttasen maanantaisessa liikenneonnettomuudessa venäläinen henkilöauto törmäsi ohitustilanteessa vastaantulleeseen suomalaiseen rekkaan.
Video
Video onnettomuuspaikalta. Video: Yle Areena

Guokte olbmo jápme ja golmmas lápmašuvve persovdnabiilla ja tráilera (lossagálvvu fievrredanbiila) oktiibeaškkeheamis Soađegili ja Anára gielddarájá lahkosiin vuossárgga. Lihkohisvuohta dáhpáhuvai Kakslauttanen máttabealde vuossáriđitbeaivve diibmu 10.30 sulaid.

Lihkohisvuohta dáhpáhuvai, go davás vuodján ruošša persovdnabiila vulggii ovddabealde vuodján tráilera meattá ja vujii ovddal boahtán suopmelaš tráilerbiilla njeaiga. Gažaldat lei Poastta tráilerbiillas. Bolesis muitalit, ahte oktiibeaškkeheapmi lei garas.

Lihkohisvuođas jápme persovdnabiilla vuodján almmáiolmmoš ja maŋŋebeaŋkkas čohkkán 3-jahkásaš mánná. Lápmašuvvan olbmuin guovttis lápmašuvve vearrádit. Oasi olbmuin dolvo dikšui Oulu buohccevissui.

Lihkohisvuohtabáikkis lei bolesa mielde njuolggogeaidnu, buorre oaidnit ja dábálaš dálvevuodjinsiivu.

Njelješgeaidnu lei guhká giddejuvvon johtolagas lihkohisvuohtabáikkis. Geaidnu rahppui diibmu 14 maŋŋá.

Divvojuvvon diibmu 16:42: Lihkohisvuođas lápmašuvve golbma, eai njeallje olbmo.

Varrasamosat: Sápmi

Váldoođđasat

Varrasamosat

Muualla Yle.fi:ssä