Sápmi |

Vuohču skuvlla seinniin gávdnon lávttasvuohta ja sisáimmus menddo olu mikrobat – dállu divoduvvo

Stuorát divvunbarggut álget jagis 2021 ja uhcit divvunbarggut leat juo dahkkojuvvon.

Vuohču skuvlla.
Vuohču skuvla lea gárvvásmuvvan jagis 1969.

Vuohču skuvla Soađegili gielddas divvojuvvo. Stuorát divvunbarggut álget jagis 2021 ja uhcit divvunbarggut leat juo dahkkojuvvon.

Soađegili gielda čađahii mannan geasi viiddis dutkama Vuohču skuvlla sisáibmodilis. Olbmot, geat barget Vuohču skuvllas, ledje dahkan gildii muhtin almmuhusaid heajos sisáimmus.

Sisáibmoalmmuhusaid vuođul muhtin smávit divvumat leat dahkkojuvvon juo mannan geasi ja čavčča áigge. Lassidivvumat leat vel vuordimis, ovdalgo stuorát divvunbarggut álget. Daid vuođđun leat dearvvašvuođadárkkisteaddji ávžžuhusat.

Vuohču skuvla lea gárvvásmuvvan jagis 1969.

Ollu smávva vigit seinniin ja ovtta láhtis

Vuohču skuvllas dahkkojuvvon dutkamuša mielde sihke gaska- ja olgoseinniid vuollegeažit leat dakkárat, mat sáhttet leat áittan sisáibmui.

Seinniin leat gávdnan lávttasvuođa ja muhtin sisáibmočájánasain leat gávdnan mikrobaid, mat leat eambo, go mii rádjeárvvuid mielde lea lobálaš.

Čájánasain eai goit leat suonjardanguobbarat (su. sädesieni) ja baktearat, mat dagahit nu gohčoduvvon muggahája. Juo dál goit leat dihto báikkit deahtistuvvon, nu ahte vejolaš hájat eai beasa sisáibmui. Ovdamearkka dihte áibmomolsunrusttega doaibman lea maid muddejuvvon.

Maiddái dearvvašvuođadivššára vuostáiváldinlanja linoleum-láhttemateriála molsojuvvo nu jođánit go vejolaš. Láhttemateriálas lea jođus kemiijalaš voc-reakšuvdna, mii golaha oksygena meari vuoigŋanáimmus.

Skuvlagiddodagas leat gávdnan maid omiid, mat besset vuoigŋanáibmui áibmomolsunrusttegis. Gavjjat bohtet áibmomolsunrusttega skoađasdosas. Dábálaččat skoađasdosas geavahit minerálaulluid, ja dat go boarásmuvvet, gavjjat johttájit. Daid divvunbarggut dahkkojuvvojit maid dalán.

Sisáimmu buhtisvuođa ja gavjameari čuvvot dál dárkilit, nu ahte áimmu dearvvaslašvuođa sáhttá sihkkarastit dassážii, go stuorát divvunbarggut álget jagis 2021.

Varrasamosat: Sápmi

Váldoođđasat

Varrasamosat

Muualla Yle.fi:ssä