Sápmi |

Vuossáreahkediid gullogoahtá "Gáfestallan Lisain" Yle Sámi radiokanálas

Diimmu guhkkosaš podkásttas journalista ja tv-buvttadeaddji Lisa M. Kristensen hupmá gussiidisguin eallima manuid birra.

Gáfestallan Lisain
Gáfestallan Lisain sáddejuvvo vuossárggaid Yle Sámis. Govva: NRk Sápmi

Dán giđa Yle Sámi radiokanálas gullogoahtá vuossárggaid NRK Sámi journalista ja tv-buvttadeaddji Lisa M. Kristensen buvttadan podkásta, mas son hálešta sámi beakkálmasaiguin.

Podkástta ságastallamat leat báddejuvvon jahki dassái giđđat ja mannán čavčča Lisa M. Kristensen ruovttus. Gievkkanbeavddi guoras podkástta eamit hálešta gussiidisguin sin eallimis, barggus ja eallima jorggáldagain.

Dát diimmu guhkkosaš sámegielat podkásta lea sáddejuvvon sámeradioin Norgga ja Ruoŧa bealde giđa ja čavčča áigge. Dál maiddái Suomas sámeradio guldaleaddjit besset gullat podkástta.

Podkásttas Lisa M. Kristensen guossin leat dáiddačeahpit, politihkkárat ja servodatberošteaddjit dego Elle Márjá Eira, Niillas Holmberg, Nils Rune Utsi, Sofia Jannok, Mari Boine, Aili Keskitalo, Liv Inger Somby ja Ella Marie Hætta Isaksen. Kristensena guossis fitnet maid eará sámi beakkálmasat. Oktiibuot ráiddus leat 17 oasi.

Gáfestallan Lisain sáddejuvvo Yle Sámis vuossárggaid ođđajagimánu 7. beaivvi rájes diibmu 18.30–19.30 gaskkas. Vuosttas oasis Lisa M. Kristensen hálešta Elle Marja Eirain su mánnávuođa ja giellahástalusain. Sáhka šaddá maiddái musihkka- ja filbmabargguin.

Podkástta sáhttá juo dál guldalit NRK Sámi neahttaradios ja vuossárgga maiddái Yle Areenas radiosáddenáiggi diibmu 18.30–19.30.

Varrasamosat: Sápmi

Váldoođđasat

Varrasamosat

Muualla Yle.fi:ssä