Sápmi |

Walt Disney Animation Studios oahpahalliprográmma šluhttejuvvon koronapandemiija dihte

Sámeráđis muitalit, ahte sii leat áiddo ožžon dieđu prográmma šluhttemis.

Walt Disney Studios
Walt Disney Animation Studios ozai álgojagis sápmelaš hárjehálli dahjege oahpahalli dán geassái. Govva: AFP

Sámiráđis dieđihit, ahte Walt Disney Animation Studios oahpahalliprográmma lea šluhttejuvvon koronapandemiija geažil.

– Jáhkkimis šaddá ođđa ohcanáigodat boahtte jáhkkái jus dilli šadda buoret, árvala Sámiráđi kulturossodaga jođiheaddji Christina Haetta Ylei.

Walt Disney Animation Studios ozai álgojagis sápmelaš hárjehálli dahjege oahpahalli geassái 2020. Hárjehallis galggai leat sámi duogáš, ja son galggai leat stuđeremin dáidda-, gráfalaš-, animašuvdna-, dahje filbmasuorggi, dahje geargan suorggi oahpuin.

Ulbmilin hárjehallanprográmmas lei addit sámenuoraide, geat barget mediasurggiin, vejolašvuođa ovddidit iežaset dán suorggis, gávdnat inspirašuvnna ja hukset riikkaidgaskasaš fierpmádagaid.

Hárjehallin ohce oktiibuot 21 olbmo ja ohcamušat bohte sihke Norggas, Suomas ja Ruoŧas.

Hárjehallan galggai leat joatkka Sámiid ja Disney ovttasbargui. Fágalaš lonohallan ja gelbbolašvuođa ovddideapmi lea leamaš oassin Walt Disney Animation Studios, Sámedikkiid ja Sámiráđi gaskasaš soahpamuša.

Soahpamuš dahkkojuvvui Jikŋon 2 -filmma ovttasbarggu oktavuođas.

Varrasamosat: Sápmi

Váldoođđasat

Varrasamosat

Muualla Yle.fi:ssä